mánudagur, 24. október 2016

Kosningar: Það sem skiptir máli

Kvennafrídagurinn mikli í dag, kosningar nálgast, óró innra með mörgum, sumum sem eiga skilið hrun vegna spillingar og eigin hyggju, öðrum sem eru fórnarlömb fjölmiðlaóróa og vanhugsunar. 

Ég er í Berlín þar til daginn fyrir kosningar, ég sendi öllum róttæklingur hlýjar kveðjur. 
Hvet þá til að styðja friðar- og umhverfismál með því að styðja þá flokka sem bera fram slík mál. Ég á þó erfitt með að skilja þau öfl sem geta ekki gefið upp afstöðu til NATO, þrír flokkar sem ég er sammála í ýmsu. Ég á ennfremur erfitt með flokka sem styðja fjöldamorðin í Sýrlandi.

Það sem heimurinn þarfnast er friðarhugsun og barátta fyrir mannréttindum. Einnig á Íslandi. Við eigum að sinna þeim sem eiga erfitt hafa upplifað styrjaldir og hörmungar.
Þess vegna legg ég mitt litla fram með því að sitja í 20. Sæti á lista VG í Reykjavík norður. Margir eiga skilið betra líf og við getum öll komið því til leiðar. Stóra spurningin er um framtíð okkar á jörðinni. Líf barnanna okkar og afkomenda þeirra.