Svarta myrkur: Á hvaða leið?

Það er rigning úti.  Ég er dapur.  Það er svo margt svart í veröldinni. Svo lítið sem maður getur gert. 
Margt fer öðruvísi en maður ætlar. Stjórnmálaforingjar ræðast í Sjónvarpi, þeir sem nenna að mæta. Þar er enginn friður í þeim hópi. 

Auðvitað vissum við að Viðreisn ætlaði aldrei í samband við vinstri flokka.  Það er svo hyldjúp gjá þar á milli.  Flest af fólkinu þar er bundið viðskiptum og bónusum og þjónkun við sína herra. Þá sem telja sig eiga okkur.  Eins og Sjálfstæðisflokkurinn.  
Svo var samþykkt á Alþingi um Opinber fjármál mjög vafasöm,um svona hugmyndir var mikil umræða í Bretlandi fyrir skömmu sem gerðu kerfisbreytingar á ýmsu nánast vonlausar. Eins og vitnað var í í gærkvöldi.  Allt stopp vegna laga um Opinber fjármál. Nei það má ekki reisa sjúkrahús.  Það er bannað!
Að finna sökudólg er svo billegt eins og umræðan á netinu seinustu daga sýnir.  

Út í heimi höfum við horft upp eina stærstu borg MiðAusturlands lagða í rúst meðan íbúar læddust þarna um til að reyna að halda lífinu.  Meira að segja börn eru leiksoppar hildarleiksins. Skömm sé þeim sem bera ábyrgð á þessu. 

Hérna er fámennur hópur ofstækisfólks sem sér ofsjónum yfir þeim fámennu sálum sem koma

hingað, sem flóttamenn eða flækingar.  Það er ekki þannig að Ísland sé efst á lista hjá flestum.  En einn og einn hefur heyrt um landið sem hefur engan her og ekkert stríð.  Þar hlýtur gott að vera. Mega þeir ekki vera hérna?   Vinna, stunda nám, ala upp börn, lifa lífinu?

Já lesandi góður.  Ég er dapur. Við erum sjálfum okkur verst.  Kítum innbyrðis meira en þörf er á.  Meðan lífið gengur sinn gang, börn fæðast og gleðja ættingja og vini.  Sjúklingar heyja baráttu við ólæknandi sjúkdóma meðan þeir nánustu þjást að horfa upp á lífsbaráttuna sem er alltaf til staðar sem svo oft er árangurslaus. 

Já, ég er dapur.  Rigningin dansar á malbikinu, vetrarmyrkrið liggur eins og mara yfir okkur. En alltaf hugsum við, það er ekki öll von úti.  Við berjumst um hæl og hnakka. En ef til vill eru of mörg dæmi um að manneskjan á sér ekki viðreisnar von.  Við erum líklega tegund á fallandi fæti.   


  

Stjórnleysi: Einkavæðingarhákarlarnir bíða

Það er engin furða þótt erfitt sé að mynda stjórn.  Hagsmunir fólksins í landinu eru svo ólíkir. Og búið er að hringla í ýmsum þannig að þeir trúa því að það séu ekki til peningar fyrir helstu velferðarnauðsynjum. Spítölum, læknisþjónustu, lágmarksþurftum fólks.

Við höfum aldrei haft það svo gott segir Bjarni, það er auðvitað rétt þegar hann talar fyrir sjálfan sig og sína.  Hann sem komst hjá Hruni af því hann fékk réttar upplýsingar.   Hann hefur það djöfulli gott.  Hann og hans fjölskylda. Hann hefur hjálpað að liðka fyrir því fólki að stofnanir á góðu verði hrjóti í fang þess.  

En hann veit ekki um annað fólk, hann þekkir ekki hlutskipti annars fólks.  Ég hjóla framhjá á miðvikudögum þar sem fólk bíður í röðum eftir matarpokum.  Bjarni myndi ekki þora að láta sjá sig þar.  Þetta er ekki hans veruleiki, þess vegna er hann ekki til.   Ég skaut því fram á Facebook hve oft hann hafi heimsótt Landspítalann en hann úthúðaði forstjóranum í seinustu viku fyrir að segja sannleikann. Líklega hlustar hann ekki á fréttir þegar sagt er frá legu fólks á neyðardeildum sem bíður eftir að komast til sérfræðinga.  Hann hefur líklega ekki flett upp skýrslu Landlæknis um biðlista í aðgerðir.  Það tók mig 4 ár að komast með 2 hné mín í aðgerðir (já Bjarni ég hef 2 hné) .   

Enn hefur hann og Benedikt og Viðreisn þá trú að að það skapi mest að láta hátekjufólk borga sem lægsta skatta til að láta hjólin snúa.  Þótt Alþjóðagjaldeyrissjóðurinn hafi varað mjög gegn því. Að það sé hættulegt að láta almannaþjónustu drabbast niður og bjóða upp á þjónustu fyrir þá sem geta borgað. 

Svo það er engin furða þótt erfitt sé að mynda ríkisstjórn.   Einavæðingahákarlarnir bíða eftir að hægriflokkarnir geti troðið sér í ráðherrastólana.  Svo sjúkrastofnanir bjóðist á góðum prís. 

Svo ætli við höfum ekki framundan 4 ár mótmæla og vonbrigða.   

Ríkisstjórnarviðræðum fimm
flokka undir stjórn Pírata slitið

Birgitta Jónsdóttir staðfestir það í samtali við Stundina. Hún fer á fund forseta í dag.

http://stundin.is/frett/benedikt-fordadi-500-milljonum-ur-glitni-fyrir-thjodnytingu-og-sendi-til-florida

Hæstiréttur: Hvaða gildi?

Mál málanna getum við treyst Hæstarétti.  Þetta er stór og mikil spurning.  Þess vegna þarf allt að vera í lagi.  Vinnubrögð, starfsreglur, siðferði.  Ég fór svolítið bratt í pistli mínum í fyrradag.  Það kemur fyrir. 

Auðvitað er það þannig að valdamiklir aðilar vilja ekki að allir dómar Hæstaréttar séu íslenskri yfirstétt til góða.  Þeim sem æddu áfram í Hrunkerfinu.  Þeir hafa aðstöðu til að læða gögnum til fjölmiðla. Sem einhver virðist hafa gert í sambandi við Markúsarmálið.  Svo það verður fjölmiðlamál með tilheyrandi Netumræðu þó töluvert vandaðri en oft.  

Fjölmiðlar hafa þarna mikla ábyrgð.  Eiga þeir að leið svona sendingar hjá sér?  Eða skoða þær og birta að vel yfirveguðu máli.  Sem tveir fjölmiðlar virðast hafa haft í hyggju. Og ef til vill vitað hvor af öðrum.  Svo ýmislegt bendir til að umfjöllun RÚV hafi ekki verið nóg ígrunduð.  Sigurður Tómas Magnússon prófessor kemur inn á flest sem varðar þetta mál. Margt sem flestir geta verið sammála um, annað ekki.  

Markús fjárfestir í gríðarhlutabréfum Glitnis og selur, eftir dönsku skýrsluna? Eins og margir virðast hafa gert. Með ofsahagnaði.
Svo kaupir hann í sjóðum Glitnis.  Og leysir út rétt fyrir Hrun.  Og tapar milljónum.   
Semsagt hann græðir meiru en hann tapar.  Tapar samt. Eins og fjöldi Íslendinga.  Hvernig líður honum, fer hann til sálfræðings eða geðlæknis eins og Woody Allen, og úttalar sig. VIð vitum það ekki.  

En hann er ekki venjulegur Íslendingur.  Hann er Hæstaréttardómari.  Þar er munurinn.  Svo  spurningin er getur hann tekið þátt í dómum um málefni Glitnis nokkrum árum seinna.  Siðfræði mín segir að svo sé ekki, alveg sama þótt íslensk lögfræðivenja og dómar segi annað.   Við höfum dóm um annað mál, auðvitað segir prófessorinn að það sé allt annað. En nú blasir við að einhver sakborninganna getur leitað réttar síns.  Hæstiréttur stendur veikar en áður.  Mann grunar að það sé verið að drepa málum á dreif.   Þess vegna er svo nauðsynlegt að Hæstaréttardómarar íhugi vel gjörðir sínar.  Þeir eru með fríðindi umfram aðra.  Þau kosta hófsemi og hógværð.  Manngildi frekar en auðgildi.  

Hjördísarnefnd verður að taka upp betri vinnubrögð ef hún hefur ekki gert það.  Lög og reglur um fjármál dómara þarf að taka alvarlega.  Þetta er ekki í þykjustu. Ríkið þarf að búa þessari nefnd starfsaðstöðu.  Eftirlit hefur fengið illt orð á sig í þjóðfélagi okkar. 

Við þurfum að breyta því.  



  Rýrir svona mál traust á íslenskum dómstólum?
„Það fer eftir því hvernig umfjöllunin er. Ef þetta er sanngjörn og heiðarleg umfjöllun, þá á þetta að verða til þess að upplýsa fólk. Þetta hins vegar brýnir fyrir dómurum að þeir eru ekki hafnir yfir lög. Þeir verða að fylgja sömu lögum og aðrir. Í þessu tilviki verða þeir auðvitað að tilkynna eignir sínar. Það má ekkert slaka á slíkum kröfum. Jafnvel ætti að efla þetta eftirlit. Ég sé fyrir mér að það væri bara sent bréf til dómara árlega og þeir beðnir um að uppfæra upplýsingar um bæði atvinnuþátttöku sína og hugsanlega eign í atvinnurekstri.“

Maddama Spilling og Frú Græðgi,í Hæstarétti

Alls staðar er hún Maddama Spilling.  Nú ryðst hún inn í Hæstarétt.  Og tekur með sér vinkonu sína Frú Græðgi ehf.   Þar eru margir að sögn rannsóknardeildar Kastjljóss.  Þar er nefndur forseti réttarins sem fremstur meðal jafningja.  Besti vinur Jóns Steinars (not!).  Tóngefandi í dómum gegn spillingargossum.  Svo margir munu fagna (mögulegu) falli hans.  Heimta að fá mál tekin upp. 

Hvað sem því líður, þá er hann vart hafinn yfir lög og reglur.  Reglur um meðferð eiginfjár eiga við hann eins og aðra í  Hæstarétti. Einhvern veginn er maður svo barnalegur um íslenska spillingu að maður heldur að hún sé ekki í Hæstarétti.  Fólk sem fær hæsta launþegakaup ríkisins út á það að það sé ekki hægt að nálgast það með fjárfúlgum.  Mikið væri land okkar ömurlegra ef við hefðum ekki Kastjljós til að henda fýlubombu inn í spillingarbúrin.  En spurningin er hvort þetta hrófli við Eigendafélagi Íslands.  Auðvitað er spilling í Hæstarétti!  Það getur ekki verið annað þegar Jón Steinar fær að læðast þar inn.  Og kvartar svo og kveinar af því að hinir  vilja ekki hafa hann með.  Það væri gaman að vita um lekann í þetta skipti.  Það eru margir sem vilja ýmislegt ljótt þar á ferð. Hvaðan kemur hann?

En við þessi saklausu börn þjóðarinnar viljum alla burt úr Hæstarétti Íslands sem dansa spilingardansinn þar, jafnvel þótt þeir séu þokkalegustu dómarar og fræðimenn.  Eða hvað.  Greinarhöfundur er huxi yfir þessum tíðindum.  Ekki get ég lesið sálarlíf dómaranna, ég væri sjálfur mjög fúll ef ég hefði tapað milljónum í Glitni og ætti svo að dæma þessa dela!  Svo töluverður efi hlýtur nú að vera til staðar um hæfi eða vanhæfi slíkra dómara.  Hvað sem Skúli Magnússon formaður Dómarafélagsins segir.   Það verður nóg að gera hjá Mannréttindadómstól Evrópu á næstunni!


 

Hæstaréttardómari átti hlutabréf fyrir tugi milljóna fyrir hrun 

Í kynn­ingu á umfjöll­un­inni segir að dóm­arar við Hæsta­rétt séu ævi­ráðnir og laun þeirra með því hæsta sem ger­ist hjá hinu opin­bera til að tryggja sjálf­stæði þeirra. „Eign­ist dóm­arar hluta­bréf, ber þeim að til­kynna Nefnd um dóm­ara­störf það - og séu þau meira en þriggja millj­óna króna virði, verður dóm­ar­inn að fá heim­ild fyrir þeirri eign frá nefnd­inn­i. Engin gögn finn­ast hjá nefnd­inni um að Markús hafi til­kynnt um sölu hluta­bréf­anna árið 2007. Þá seldi hann þau fyrir 44 millj­ónir króna. Í kjöl­farið fjár­festi hann í gegnum einka­banka­þjón­ustu Íslands­banka fyrir tæpar 60 millj­ónir króna. Engin til­kynn­ing finnst um það heldur hjá nefnd­inn­i.“ (kjarni síterar Kastjljós)

Segja Markús ekki hafa farið að regl­um

 

Ekkert bendi til vanhæfis Markúsar

 

 

Ný velferðarstjórn: Nú skelfist íhaldið.

Þeir skelfast núna íhaldsmennirnir. Því í ljós kemur að þeir sem héldu að væru óábyrgari en þeir sjálfir eru ábyrgir stjórnmálamenn.  Sem meta hag fólksins í landinu meira en sérhagsmuni. Þeir vilja huga að mikilvægustu málum þjóðarinnar, heibrigðismálum, og athuga um leið hvaðan peningarnri eiga að koma.  Úr fórum ríka fólksins.  Útgerðarmönnum og bröskurum.  Ekki úr vösum þeirra sem eiga minnst.  

Því skelfast hagsmunapotarar Yfirstéttarinnar á Íslandi.  Birgitta hefur skákað þeim við.  Það er hættulegt.   Nú verður fjölmiðlaflóran sett af stað.  Það er mikilvægt að vera á verði. Því einskis er svifið, standast Benediktog kó þrýstinginn og forðast að reisa við flokk Sjálfstæðisins með Panama liðið innanborðs?  Verður Óttarr of óttasleginn?    Við sjáum hvað setur. Greinarhöfundur er hugsi.  Hvaða bellibrögðum verðum beitt?  Mun Davíð segja frá hrósi Pútíns á Birgittu?  Mun Birgitta koma samskiptum Íslands og Rússlands í eðlilegt horf?  Hvað mun Sigmundur taka til bragðs. Er það furða þótt hann sé hugsi, ég meina greinarhöfundurinn. Vonandi fær engin aðsvif.  

Þingmenn Pírata hittast í dag

Fékk aðsvif undir stýri

Vladimír Pútín hrósar Donald Trump

Þeir Vladimír Pútín og Donald Trump ræddust við í síma fljótlega eftir að úrslit í forsetakosningunum í Bandaríkjunum lágu fyrir. Þeir voru að sögn sammála um að koma yrði samskiptum Rússlands og Bandaríkjanna í eðlilegt horf.

Gaggalagú: Brún egg og Sjúklingar

Nú titrar þjóðin út af eggjum, hænum og eftirliti. Enginn vil vera maður með mönnum nema taka þátt í eggjakastinu á Brúnegg.  Aldrei hefur komið jafnskemmtilegur maður í fjölmiðla að verja frjálsa samkeppni (eggjafyrirtækin eru mörg).  Eftirlitsfólkið var dásamlegt.  Það var svo sárt að ekki var farið eftir ráðleggingum þeirra.  Og bréfið fræga týndist í ráðuneytinu, auðvitað hjá Gunnari Braga!

Sumir vinir hugsuðu það sama og ég.  Það eru til fleiri varðmenn hænunnar en gamla fólksins á Íslandi.  Um leið barst málgagn eldri borgara inn hjá mér þar sem Benedikt Jóhannsson fræðir okkur um það að elli lífeyrisþegar hafi aldrei haft það betra.  Þarf meira til að sannfæra okkur? Svo er þetta góður tími til að ræða egg.  Allir í jólabakstri, nauðsynlegt að hafa góð egg.  Margir eflaust búnir að hamstra strax í dag.  Það er örugglega skortur á hvítum eggjum,  við viljum ekki lituð egg né kynblendinga. 

4 af 6 stjórnmálaflokkum virðast ekki vilja bjóða upp á hærri skatta.  Það eru bara VG og SF sem hafa talað um annað.  Skatta þurfum við til að bjóða upp á betri heilsugæslu.  Vilja ekki allir flokkar betri heilsugæslu.  Eða var það bara fyrir kosningaáróður.  Þannig að gamalt fólk og sjúklingar með ótal sjúkdóma verður að bíða á göngum eftir því að komast í aðgerðir eða að komast í stofnanir þar sem það fær eðlilega þjónustu.   Seinustu 5 árin hefur engin aukning verið á fé í þann málflokk hlutfallslega  (8,6 - 8,9 prósent af GDP samkvæmt OECD :  Healt at Glance.)  

Hvaða samkomulag haldið þið að xD og xV gera til að mynda stjórn????  Við bíðum, varla spennt.   




Hérna eru dæmi um Fésbókarvini míni í gærkvöldi og morgun: 

Ó, þú hneykslunarelska þjóð. Hversu mörg ykkar kaupa mjólkurvörur frá MS nokkrum sinnum í viku? Hversu mörg eru í viðskiptum við Vodafone eftir trúnaðarupplýsingalekann þaðan? Þarf ég nokkuð að halda upptalningunni áfram?

Auðvitað er það tilviljun en eigandinn hefur verið í framboði bæði fyrir Vöku og Sjálfstæðisflokkinn. Gaggalagú

Er það virkilega raunhæft að vonast til að þjóð sem telur hörmungar fólks af öðrum þjóðernum sér að mestu óviðkomandi, og vanrækir sína eigin sjúklinga og gamalmenni, taki skyndilega upp hjá sér að sýna skepnum mannúð?

Horfði seint og um síðir á þetta eggja-Kastljós. Það var illa unnið. Fréttadrengurinn með skeggið eins og krókloppin vannærður hvítur Ítali [sem er hænsnategund þið þarna 101 rottur] og það vantaði líka alveg frambærilega áhrifsmúsík undir dramatískustu skotin; dauða mús og lirfur - berrassaðar hænur og möppurnar hjá MAST. Annars er ég góður. Hef aldrei keypt brún egg, kaupi bara hvít egg úr innrömmuðum búrhænum og ætla að halda því áfram - geðheilsa mín er á því stigi að ég offra henni ekki með byltingarkenndum umsnúningi eins og þeim að fara allt í einu á gamals aldri að éta brún egg - fokdýr. Ekki kalla mig harðbrjósta. Nú sýnist mér hvort eða er allir komnir - 3. klst. síðar - út í hagræna útreikninga og niðurgreiðslueftirsjá á meðan hænan rotnar; lirfan fitnar og músin dansar.

Það verða aldrei oftar keypt brúnegg á þessu heimili en við munum halda áfram að horfa á Tryggva á Rúv. Læt embættismennina eiga sig í bili. Ekki veitir þeim af sparki í rass frá þeim sem hafa umboð til að sparka í rassinn á þeim.

MS, SS, salt, sykurskattur, gosdrykkjaframleiðendahagsmunir, náttúrulaxeldisspilling, lyfsölukerfi, hringamyndun, samkeppniseftirlitið, egg, hænur, lífræn vottun, salat sem ekki er salat, Íslendingar eru eymingjar. Aumingja Ísland.

Þetta er svo kaldrifjað og lýsir einhvers konar ískaldri fyrirlitningu í garð neytenda, sem borga 40% hærra verð fyrir eggin í þeirri trú að sómasamlega sé búið að dýrunum sem eggin eru fengin frá. Þetta snýst ekki bara um þetta tiltekna fyrirtæki heldur sýnir þetta landlægan hugsunarhátt, menningarástand, djúprætta spillingu sem verður til í rekstrarumhverfi þar sem neytandinn á engan rétt en „framleiðandinn“ nýtur verndar út yfir gröf og dauða.

Þjóðinni brá í Brún...

Aldrei hef ég séð umræðuefni leggja undir sig Facebook einsog brúnu eggin.

Dapurleg framtíð: Heilbrigðisþjónusta á vonarvöl

 Það er sorglegt að enn eigum við að þurfa að hlusta á rugl Bjarna Benediktssonar næstu fjögur árin.

 Eins og þetta:

 Bjarni Ben: Við höfum aldrei sett meiri fjármuni í Landspítalann

 Allar hans hugmyndir byggjast á röngum viðmiðum, þess vegna verður útkoman röng. Eins og OECD sýnir fram á í nýjustu úttekt sinni.  

Ísland skrapar botninn

Hvergi innan OECD er eins litlu fé varið í fjárfestingar í innviðum heilbrigðisþjónustunnar og á Íslandi og í Mexíkó. Þetta segir forstjóri Landspítalans. Ný skýrsla OECD sýnir að Ísland er mikill eftirbátur annarra ríkja Norðurlanda í útgjöldum til heilbrigðismála.(RUV 27.11. 2016).

Auðvitað segir Bjarni í næsta viðtali að þetta sé bull, því honum hefur lærst það í póltík að ef maður segir sama hlutinn nógu oft þá verður hann sannleikur.  Það notaði Trump í sinni kosningabaráttu. Það hafa óbilgjarnir leiðtogar gert löngum.  

Það er vita mál að við erum á röngu róli í Heilbrigðiskerfinu.  Í fyrra sagði forstjóri Alþjóðagjaldeyrisstjóðsins að það þyrfti að breyta skattastefnu í okkar heimshluta.  Kenningin um lægri skatta til að auka hagvöxt er alröng og úrelt.  Bjarni vill ekki viðurkenna þessa fullyrðingu, hann er fulltrúi hinna ríku á Íslandi.  Þess vegna breytist lítið.  Það var sorglegt að heyra í honum eftir kosningar þar sem hann gaf í skyn að það væru ekki til peningar í heilsugæsluna.  Og frændi hans Benedikt kom af fjöllum að það væru til flokkar sem vildu hækka skatta þótt þeir hefðu sagt það í kosningabaráttunni.  Að breyta viðmiðum í kvóta var eitthvað sem gekki ekki, eftir að hann hafði talað við einn stærsta útgerðarmann landsins.  Það gekki alls ekki.  Og Óttarrrrrr virðist fylgja þeim frændum.  Verði honum að góðu.  Segðu mér hverjir eru vinir þínir ..........

Hinir fátæku og millistéttin eru aflvélar hagvaxtarins, sagði Christine Lagarde forstjóri Alþjóðagjaldeyrissjóðsins á sautjánda júní; ekki á Austurvelli heldur í Brussel. Hún hvatti stjórnvöld um allan heim til að breyta skattastefnu sinni svo hún þjónaði hinum verr stæðu en ekki hinum auðugu og valdamiklu, berjast gegn spillingu og vinna með öllum tiltækum ráðum gegn misskiptingu auðs og tekna. Það væri nefnilega misskiptingin sem héldi aftur af hagvextinum. Brauðmolakenningin er dauð.
Lagarde vitnaði til orða Frans páfa þegar hann talaði um efnahagsstefnu aðgreiningar; hvernig misskipting auðs, tekna og valda héldi hinum fátækari niðri við takmörkuð lífsgæði á meðan hinir betur settu hefðu öll tækifærin og lífsgæðin.(Fréttatímin, 18.06 2015)

Páll Matthíasson, forstjóri Landspítalans, segir þetta vera áhyggjuefni. „Vegna þess að við teljum að við ættum að geta varið mun meira af þjóðarkökunni, eða hlutfalli þjóðarkökunnar í heilbrigðismál. Ekki erum við hér á Íslandi að eyða fé í hernaðarútgjöld til dæmis, og það er alveg ljóst að það hefur verið mikið rætt um að það þurfi að gefa í í heilbrigðismálum og það sést alveg þegar tölurnar eru skoðaðar, þannig að ég held að menn verði að finna leið til að skipta kökunni þannig að hærra hlutfall og meira fé fari til heilbrigðismála,“ segir Páll.

 Ég læt fylgja með tvær töflur úr Health at Glance: Europe 2016 fyrir þá sem hafa ánægju af tölfræði : Það er ýmislegt sem er forvitnilegt.  Eitt sem kemur á óvart úr öllu ritinu, hve tölfræðirannsóknir Íslendinga eru ófullkomnar það er ansi margt sem vantar.  

En á þessum síðum kemur í ljós að nær engin aukning á hefur orðið í góðærinu seinustu 3 árin á fjármunum til Heilbrigðismála þrátt fyrir ummæli ráðherra.  við erum öll seinustu 5 ár með 8,6 - 8,9 % þrátt fyrir digurbarkaleg ummæli Bjarna og Sigmundar Davíðs  hvað þeir hafi gert betur en Jóhanna og Steingrímur .............. 

---