Guðrún Bryndís: Það er gott að vera í Framsókn, not!!!!

Ein allra skemmtilegasta og óhugnanlegasta lýsing á starfi stjórnmálaflokks birtist í gær í Kvennablaðinu. 
Þar lýsir Guðrún Bryndís Karlsdóttir því þegar hún gekk í Framsóknarflokkinn, hún vildi gera góða hluti fyrir Framsóknarflokkinn. 
Flokkurinn þar sem engin spilling er til, flokkur sem hefur skilið við vafasama fortíð sína. Eða hvað??   En .... einhvern fór allt á verri veg. 

Ekki á lista Framsóknar: „Átti það alundarlegasta símtal við fólkið á bak við tjöldin“

Hún uppgötvar með tímanum, að það er ekki ætlast til að hún  hafi forgöngu í málum. Smátt og smátt myndast veggur. Fólk horfir ekki á hana. Hún er lokuð inni, fær ekki upplýsingar,  þögnin verður algjör.  Hún vogar sér að hafa gott sjálfsálit, mæla sig við Guðna og Magnús Scheving.  Annar landskunnur skemmtikraftur hinn sjónvarpsstjarna og vel ættaður inn í flokkinn (faðir Magnúsar og Sigrún Magnúsdóttir eru systkini og Sigrún er þar að auki eiginkona Páls Péturssonar fyrrverandi þingmanns og ráðherra) svo hún gengur allt of langt!!!! 

Þegar ég furðaði mig á fundarsköpum og viðbrögðum við meðframbjóðendur mína, var mér bent á reynsluleysi mitt í stjórnmálum og að ég gæti fengið leiðsögn hjá „fólkinu á bakvið tjöldin“, sem ég og gerði.

En hvers vegna gerðist þetta. Hví fór Guðrún Bryndís þvílíka Bjarmalandsför inn í Framsóknarflokkinn???  Er eitthvað að henni?  Ekki þekki ég konuna neitt, en hún heldur ágætlega á penna eftir greininni að dæma.  Svo er annað mál hvernig raðist á lista í flokkum. Þegar ekkert prófkjör er og uppstillingarnefnd starfar sem óskar eftir fólki.  Er það eðlilegt að fólk labbi inn af götunni án þess að hafa starfað neitt þar?  Frægt og vel virt fólk hefur getað það, eins og hugmyndin var með Guðna og Magnús Scheving. Lilja Móses fór inn á þing á forvali í VG, eftir að hafa vakið athygli í Búsáhaldabyltingunni, það gekki ekki svo vel hjá henni.  Mikið af nýju fólki kemur í framboð núna í nýju framboðunum, BF, Dögun og Píratarnir.  Svo þess vegna hefði hún átt að vera dæmi um opinn flokk sem tekur vel á móti nýju og fersku fólki!!!! 

„Ég frétti að menn hefðu miklar áhyggjur af hroka mínum og viðmóti,“ segir Guðrún Bryndís Karlsdóttir.

En aftur að Framsókn, þrátt fyrir kynslóðaskipti þá hefur ekki margt breyst þar.  Formaðurinn er einráður og uppstökkur.  Einhvern veginn er alltaf stutt yfir í gömlu spillingaröflin. Eflaust eru ekki allir sammála mér um það.  En stjórn xB og xD í meira en áratug kom svo mörgu illu til leiðar, ég hræðist slík öfl.  Þau eru enn of víða með puttana í báðum stjórnarflokkunum.  Þess vegna kemur þessi saga Guðrúnar Bryndísar mér ekki á óvart.  Ég held að salan á x B í seinustu alþingiskosningum sé ein mesta svikamylla seinni áratuga í stjórnmálum.  Þess vegna er niðurstað Guðrúnar Bryndísar eðlileg og sönn:  Þá vissi ég það – þetta var ekki góður staður til að vera á.

Upplýsingarnar sem ég fékk af fundum kjörstjórnar komu aðallega úr fréttum, ég heyrði af og til í fólkinu á bakvið tjöldin án þess þó að ég fengi að vita nokkuð, hvaða vinna færi eiginlega fram.

World press freedom index 2014: Hvar er frétta og tjáningafrelsi?

Það er gott að hafa þessa mynd hér að neðan þegar við ræðum um frelsi, frelsi til að miðla fréttum og upplýsingum í heiminum:  World press 

freedom index 2014 sem tekinn er saman af Reporters withour Borders.

Það er ekki sjálfsagt að að tjá sig þótt við getum hér skrifað nokkurn veginn það sem okkur dettur í hug. 

Finnland er efst á lista og öll Norðurlöndin og Eistland tilheyra hvítu svæðunum, gott ástand. 

Ísland er númer 8 

Breska konungsveldið þaðan sem við fáum flestar fréttir frá  er númer 33

Bandaríkin eru númer 46 á eftir Rúmeníu og á undan Haití !!! Kína er númer 175 af 180

Úkraína er númer 127 Rússland númer 148

Palestína er númer 138 og Ísrael 96 

Litirnir segja sína sögu : Hvítur þar sem best er, Svart þar sem verst er. 

Hugsið ykkur það er til fólk á Íslandi sem vill bindast fastari böndum við Rússland og Kína. 

Hafið líka í huga að þessi listi og rannsókn segir margt, en ekki allt.

Hér er aðferðafræðin.

Prýðissýning: Furðulegt háttalag hunds ......

Það er erfitt að lýsa sjúkdómum.  Ég tala nú ekki um andlega sjúkdóma sem lengst af var ekkert vitað um hvað væri.  Eins og Einhverfa. Þar sem einstaklingur virðist ekki ná sambandi við umheiminn, hann lifir í sínu innra, mótar sér veröld þar sem erfitt er að nálgast. Það hlýtur að vera gífurlega erfitt fyrir foreldra að upplifa

þennan sjúkdóm, að geta ekki komist í gegnum þennan múr sem heilinn hefur mótað sér.  Í hinni snjöllu sögu Mark Haddons Furðulegt háttalag hunds um nótt er fengist við þetta. Að móta listaverk úr þessum efniviði.  Ég varð ofsahrifinn af þessari bók þegar hún kom út fyrir nokkrum árum. Það tókst að lýsa Einhverfunni á svo mannlegan og hlýlegan hátt.  Og nú er komið leikritið, Simon nokkur Stephens, hefur gert leikritsgerð.  Eiginlega átti ég erfitt að ímynda mér hvernig það væri hægt.  En sjá, ég fór í Borgarleikhúsið og sá þessa sýningu.  Hún er alveg afbragð.  

Hvers vegna? Jú, Borgarleikhúsið býr yfir listamönnum sem geta komið þessu til skila.  Það eru ekki bara leikarar, heldur líka sviðs, ljóð, mynd, og hreyfingarmeistarar sem starfa í þessu leikhúsi.  Undir öflugri stjórn Hilmars Jónssonar verður þessi áhrifaríka sýning til.  Og á bak við sér maður handbragð leikhússtjórans Magnúsar Geirs Þórðarsonar, hann er svo naskur að koma saman fjölbreyttri dagskrá.  Sem hefur skilað sér í stöðugt meiri aðsókn.  Hann hefur verið óhræddur að leggja í vandasöm stykki sem ná til breiðs hóps áhorfenda. Og gar ég lít yfir salinn í Borgarleikhúsinu í gærkvöldi, þá hefur hann víkkað út hinn hefbundna áhorfendahóp leikhúsa, í húsinu var fólk á öllum aldri, þetta var sýning sem náði til allra.  Ung, ný stjarna fer með aðallhlutverkið og fer á kostum, Þorvaldur Davíð Kristjánsson. Hann er Kristófer fyrir augum okkar, með furðulegheit sín, köstin, gáfurnar, allt gert með leikgleði og kunnáttu.  Leikhópurinn er mjög góður, mér finnst Bergur Þór vera orðinn einn albesti leikari okkar, hann kann allt, er einn besti gamanleikari okkar, trúður, svo lýsir hann aumkunarverðu lífi föðurins snilldarlega.   Þessi sýning yrði ekkert ef ekki væri hugmyndaauðgin á umgjörðinn, þar sem tölvur, lýsing og leikmunir mynda þessa veröld.  Oft greip maður andann á lofti yfir fegurðinni og útsjónarseminni .

Svo sýningin fór framúr björtustu vonum mínum.  Maður sá líka hversu áhorfendurnir nutu sýningarinnar. Og viðbótin í lokin, stærðfræðikennsla var dásamleg. Það er gott að fólk þyrpist í leikhús.  Í tveimur minni sölunum eru íslensk verk sýnda sama sunnudagskvöldið. Alls staðar fullt af fólki.  Mig langar að sjá þær. Svo er Arthur Miller og Auður Ava í Þjóðleikhúsinu mig langar að sjá þær.   Svo er fjöldi leikhópa í Tjarnarbíó og fleiri stöðum.  
Því skýtur skökku við að loka eigi á allt leiklistarlíf á Akureyri, eina atvinnuleikhúsinu utan Reykjavíkursvæðisins.  Mér finnst að yfirvöld þar eigi að hugsa sig um áður en það verður.  Það væri ansi stór slys.  

Guðni: Gerendur og þolendur

Týpískt fyrir íslensku þjóðina að gera Guðna að fórnarlambi.  Fórnarlambi hvurs eigin skrifa, eigin orða, eigin þátttöku í einkavæðingu og spillingu sem var undanfari hrunsins!!!?

Nú eiga þeir sem minnast á hann að fyllast samviskubiti.  Nú má líklega enginn minnast á hann án þess að vera gerandinn í einelti.  Og Guðni þolandinn, Karlinn sem reitti af sér vafasama brandara um samstarfsfólk sitt, sem er ekki allur sem hann er séður.  

Jamm, í lífi okkar þjóðar verður allt öfugt um þessar mundir, allt á hvolfi.  Svo öfugmælavísur eiga vel við: 

Séð hef ég hvalinn sitja á stól,selinn strokka og renna,skötuna ganga á grænum kjól,gráan hest með penna.

Og framsóknardjókur (á góðri íslensku) :

Svo er sagt að Jónas Jónsson frá Hriflu hafi eitt sinn komið að máli við sýslumann ágætan og mælst til þess að hann gengi í Framsóknarflokkinn. Sýslumaður tók því dauflega. "Ertu þá í Íhaldsflokknum?" spurði Jónas. "Nei," sagði sýslumaður, "ég er utan flokka og ætla mér að vera það." Jónas hugsaði sig um andartak, en sagði svo af þjóðkunnri orðheppni: "Þetta er nú eins og að hafa tvo góða stóla og setjast á gólfið."

Þessi vísa á vel við um þessar mundir: 

Í eld er best að ausa snjó,
eykst hans log við þetta.
Gott er að hafa gler í skó
þá gengið er í kletta.

Flóttamenn: Hanna Birna er glöð á góðum degi

Lífið blasir við í allri sinni gleði, bjartsýni og krafti hjá Hönnu Birnu þessa dagana.  Það er gaman að skrifa svona fagnaðargreinar eins og hún gerir í Fréttablaðið í dag, á sumardeginum fyrsta. .  En það eru ekki allir sem geta fagnað, þeir finna áþreifanlega fyrir pennastrikum Hönnu Birnu. Þegar

samkomulagi kenndu við Dublin er veifað framan í flóttamenn eftir 2 ár eða meira.  Og um leið er mörgum lagabrotum hampað í nafni ráðherra.  

Þegar ég heyrði fréttirnar brast hjarta mitt og ég grét bara vegna þess að öll þessi ár sem ég hef verið á flótta komu aftur til mín,“ segir Eze titrandi röddu. Hann kemur frá Nígeríu. 

Ég á erfitt með svefn, mér líður hryllilega,“ segir Shawkan í samtali við DV (hann kom frá Írak) en hann hefur undanfarna mánuði þjáðst af mikilli streitu og þunglyndi. Hrefna Dögg Gunnarsdóttir er lögmaður hans og annars hælisleitanda frá Súdan sem á einnig að senda úr landi í vikunni. Hann er 30 ára gamall og þorir ekki að koma fram undir nafni af ótta við að hægt verði að rekja það sem hann segir til hans. Hér eftir verður hann því kallaður Tour Jamous. Þeir hafa báðir kært úrskurð innanríkisráðuneytisins en útlit er fyrir að Jamous verði ekki á landinu þegar málið fer fyrir dómstóla.

Hann segir erfitt að hugsa til þess að hann hafi verið á flótta í sjö ár og að nú eigi að senda hann aftur til baka. „Stundum hugsa ég að það væri kannski best ef ég fengi dauðadóm um leið og ég kæmi aftur til Súdan. Það væri gott fyrir mig að losna við þetta þjáningarlíf. Að vera alltaf í viðtölum hjá lögreglunni eða Útlendingastofnun upp á von og óvon. Þetta er samt flókið og stundum hugsar maður til fjölskyldunnar heima en ...“ Jamous byrjar að tala á tungumáli sem blaðamaður skilur ekki, eins og í einhvers konar örvæntingu og ráðaleysi yfir stöðu sinni, áður en hann heldur áfram:

Já, hún Hann Birna er glöð á góðum degi: Þetta er viðhorfið sem þarf að einkenna Ísland, sem nú stendur á tímamótum og tekst á við nýjar áskoranir, nýja framtíð. Bjartsýnin, gleðin og sóknarhugurinn sem tengist sumarkomunni þarf að einkenna samfélagið á hverjum degi. Þannig höfum við náð árangri í fortíðinni og þannig munum við áfram ná árangri. Við stjórnum ekki því sem liðið er en við getum haft áhrif á framtíðina. 

Hún getur svo sannnarlega haft áhrif á framtíð þessara þriggja karla.  Og sofið vel.  

_____________________________________________________________

Sögurnar sem ráðuneytið vildi ekki heyra

Þrír sendir úr landi í vikunni - Biðu hér á landi í tvö ár eða meira - Mál þeirra ekki skoðuð efnislega - Eiga erfitt með svefn og glíma við mikinn ótta 


__________________________________________________________________________


Í dag fögnum við fyrsta degi sumars. Þótt íslenska veðrið gefi ekki alltaf til kynna upphaf þess tíma látum við Íslendingar það lítið á okkur fá og fögnum sumarkomu, hvort sem það blæs, rignir eða snjóar.

Það er þessi kraftur og þessi bjartsýni sem gerir samfélagið okkar svo sérstakt og skapar svo mörg tækifæri til sóknar og sérstöðu. Veðurbrigðin í lífinu eiga nefnilega jafnt við um samfélög, fjölskyldur og einstaklinga. Það skiptast einfaldlega á skin og skúrir, en á okkur öllum hvílir samt alltaf sú ábyrgð að halda samt áfram – ganga yfir skaflana og standa af okkur stormana svo njóta megi síðar sólar og sumars.

Þetta er viðhorfið sem þarf að einkenna Ísland, sem nú stendur á tímamótum og tekst á við nýjar áskoranir, nýja framtíð. Bjartsýnin, gleðin og sóknarhugurinn sem tengist sumarkomunni þarf að einkenna samfélagið á hverjum degi. Þannig höfum við náð árangri í fortíðinni og þannig munum við áfram ná árangri. Við stjórnum ekki því sem liðið er en við getum haft áhrif á framtíðina. 

Burtséð frá einstaka verkefnum þá er sátt og samstaða um það að halda áfram – gera betur í dag en í gær – mikilvægara en flest annað fyrir framtíðina. Að vera sammála um að stefna lengra, nýta tækifærin og hafa trú á okkur sjálf og fólkið okkar skapar forsendur til að byggja upp frábært samfélag til framtíðar. Við getum tekist á um einstaka dægurmál á málefnalegan hátt en verið sammála um að gera alltaf það besta fyrir land okkar og þjóð.

Í dag er því við hæfi að taka sameiginlega ákvörðun um einmitt það. Þegar við fögnum sumri að íslenskum sið á þessum góða degi – flöggum fánum okkar og njótum samveru með okkar nánustu – skulum við því um leið taka á móti nýjum tímum með þeim góðu fyrirheitum, krafti, bjartsýni sem hefur, á og verður að einkenna þessa þjóð á einmitt þessum degi. 
Gleðilegt sumar.

Jón Sigurðsson og Guðni Ágústsson: Í beinu netsambandi

Jón Sigurðsson kominn í netsamband.  Í maí, kosningamánuðinum. Merkilegt, í sama mánuði og Guðni, holdgervingur þjóðrembu og kjaftháttar ætlar að snúa aftur og

bjarga heiðri formannsins uppstökka.  Auðvitað á það eftir að ganga, enda framsóknarþingmenn farnir að láta sjá sig á menningaratburðum svo sem flutningi Passíusálma og Ragnheiðar. 

Auðvitað þarf þjóðernishyggjan að vera í beinu netsambandi, þó bara innanlands, við höfum ekkert að sækja til annarra.  Þegar jafnvel Pútín hefur brugðist okkur. Og Guðni kemur með stefnuna glænýja beint frá Jóni, slíku getur þjóðin ekki  hafnað. Maðurinn sem sagði:  Það eru mannréttindi að eiga

sauðfé. Hlýtur að eiga erindi til okkar Reykvíkinga.  Ég vil fá sauðfé og hænur í garðinn minn enda nóg pláss. Ég kýs Guðna.  

Við tökum svo undir  í framsóknarsöngnum góða, enda á hann erindi við okkur í dag og alla daga.  Og minnumst líka orða Guðna :  

• „Við erum perlan í veröldinni, að mínu mati, með frábærar vörur og hreint land og eigum mikla möguleika í gegnum það.“

Það er ekkert mikilvægara en að vera í beinu netsambandi við þjóðina.  

Jónas Ólafur Jóhannesson frá Hriflu

Jónas frá Hriflu var hollvinur snauðra
hann hyglaði soltnum og barg þeim frá deyð
og reið yfir landið að líkna þeim ófáu
er lífvana hjörðu við hungur neyð

 Jónas Ólafur, Jónas Ólafur 
 Jónas Ólafur Jóhannesson frá Hriflu 

Hann stóð við í Grímsey og stoð var hann mörgum
og stytta hafði hjarta og heila og hönd
uns barst honum fógetabréf þar sem stóð
að sem brjótuður laga yrði hann hnepptur í bönd

 Jónas Ólafur...

En fógeta ei lukkaðist höndur að hafa
í hári hans hann hvarf burt og sást ei meir þar
en frá öðrum landhlutum fregnir um góðverk hans
flugu en að klófesta hann tókst ekki par

 Jónas Ólafur...

Yfirvöld landsins þau ofsóttu Jónas
en einatt han barg sér - oft snöggklæddur braut
því enginn var til sá að tækist að fanga hann
hann tók ekki feilspor unz ljánum hann laut

 Jónas Ólafur...
    

Hrafnseyri í netsamband

Hrafnseyri í Arnarfirði fær ljósleiðaratengingu í maí en samningar um það hafa náðst milli menntamálaráðuneytisins og tölvufyrirtækisins Snerpu. Hrafnseyri verður tengd inn í ljósleiðaratengingu frá Tjaldanesi í Mjólká.

Þetta kemur fram á vef BB.is í dag. Þar segir enn fremur að panta þurfi og leggja ljósleiðara heim á bæjarhlaðið og að um 4 - 6 vikna afgreiðslufrestur sé á nauðsynlegu efni hjá birgjum.

Á vef BB kemur fram að skortur á góðu netsambandi hafi staðið ráðstefnuhaldi fyrir þrifum á Hrafnseyri - með ljósleiðaratengingunni ætti það vandamál að vera úr sögunni. 

Hallgrímur Pétursson: Maður allra tíma og flámælges.....

Mikið er nú Hallgrímur Pétursson merkilegur maður.  Enn eiga ótal hlutir við, sem hann orti fyrir 300 og eitthvað árum.  Það er eins og hann sé maður þessarar hátíðar.  Það er alls staðar verið að fjalla um hann. Hann er vissulega maður allra tíma. 
 Það er fátt mannlegt sem ekki er honum viðkomandi.  Það fór ýmislegt á flug við seinasta flutning Megasar á Passíusálmunum í dag.  Við eigum listamenn sem koma þessu listaverki til skila svo unun og gleði er að.  Það var svo mikil gleði í Grafarvogskirkju i dag.  Fjölbreyttar útsetningar og glitrandi flutningur.  Troðfull kirkja, margir sem hafa mætt á alla þrjá tónleikana.  

En ekki hefði þetta verk orðið til án Hallgríms, sem fjallar um trúna sína, líf og dauða, valdsmenn og græðgi, frið og stríð, gæsku og grimmd, fátækt og ríkidæmi, rikisbubba og glæpamenn, málfar og flámælge.  Flest sem Megas hefur einnig  fjallað um í söngvum sínum. Meira að segja unglingavandamálin eru til hjá Hallgrími, ungdómsþverlyndi talar hann um. Enda virðist hann sjálfur hafa verið í æskuuppreisn.  

Ekki hefðu Passíusálmar heldur orðið til án sögunnar um þennan sérkennilega mann, Jesúm.  Þessarar merkilegu sögu um mann sem lifði og dó og reis upp aftur. Hvort sem hann var til eða ekki.  Sem enn hefur þó ótal, hugmyndir,  hugsanir og boðskap til okkar að færa.  Þessi einfalda saga.  Saga sem nær þess vegna til allra. Sem hefur frelsað svo marga og komið ýmsu óhugnanlegu til leiðar.  En við segjum bara í dag að það allt sé bara mannanna verk.  Í tilefni hátíðarinnar.  Og þessa dags sem í bernskuminningunni var svo langur, það mátti ekkert gera, allt var lokað.    Svo óska ég gleðilegra páska!

Gefðu að móðurmálið mitt

minn Jesú þess ég beiði

frá allri villu klárt og kvitt

krossins orð þitt út breiði

um landið hér

til heiðurs þér

helst mun það blessun valda

meðan þín náð

lætur vort láð

lýði og byggðum halda.

Guðni leggur undir sig Reykjavík

Mikil er hamingja okkar Reykvíkinga.  Við sjáum fram á bjartari tíma: 
Þegar öll nótt var úti þá kom hann skeiðandi inn í borgina, með tvo til reiðar, bjargvætturin eina

sanna,  eftir að Óskar verktakavinur lagði á flótta.  

Guðni útilokar ekki framboð í Reykjavík

Eflaust mun Guðni ekki standast mátið, enda finnst honum gaman innan um fjölmenni, með SS pylsu í annarri og einn sterkan í hinni.  Hann mun sveima um bari bæjarins taka menn tali á sinn þjóðlega hátt og atkvæðin munu safnast í stóra hrauka.  Eins og þau hafa gert suður á Kanarí seinustu áratugi.  Ekki væri verra ef hann svifi um með mágkonu sína sér við hlið, Vígdísi Hauksdóttur.  Þá væri x B kominn með minnst  þrjá borgarfulltrúa.  Og Guðni  settist í borgarstjórastólinn lítillátur að vanda og fengi sér brauðsneið úr íslensku méli með íslenskt smér ofan á.  Heiðursgestur borgarstjórnar yrði að sjálfsögðu Jón Bjarnason, Snæfellingurinn góðglaði.  

Þá verða engar utanferðir hinar stærri á hans tíma !!! Og vopnaðar víkingasveitir munu halda uppi lög og reglu í 101.  Þá verður margur stoltur að búa í Reykjavík.

Jón Gnarr: Næsti Aðalritari SÞ

Mikið vorum við heppin að eignast svona óvart Jón Gnarr sem borgarstjóra.  Eiginlega bjuggumst við ekki við neinu þegar hann tók við.  En með framkomu sinni, ótrúlegri framkomu þar sem maður vissi aldrei hvað kom næst þá vann hann okkur yfir.  Þessa vantrúuðu.  Svo kórónaði hann feril sinn með því að afneit valdinu, hann ákvað að hætta.  


Hann hefur á sinn svo einfalda hátt dregið fram góðar hugmyndir sem hafa fengið illt orð á sig. Eins og frið, umhverfi, náttúru, list og menningu: 

Mig dreymir um friðarháskóla Sameinuðu þjóaðnna. Alþjóðlega rannsóknamiðstöð um Norðurslóðamál, loftlagsbreytingar og hnattræna hlýnun. Rannsóknir og þróun á rafmagnsbílum. Friðarráðstefnur og friðarviðræður. Listrænar uppákomur. Náttúruminjasafn. Alþjóðlega stofnun um friðsamleg samskipti. Ég vil gera Ísland að heimili vonar fyrir mannkyn,

Þetta er ansi hátimbrað að tala um Ísland sem heimili vonar, sérstaklega þegar við horfum á framkomu ýmissa stjórnmálamanna.  En með sakleysi sínu flettir Jón Gnarr ofan af atvinnustjórnmálamanninum.  En við skulum samt ekki halda að það sé lausnin okkar að hafa ekki atvinnustjórnmálamenn.  Jón er svo einstakur, Björn Blöndal fetar ekki í hans spor.  En hann kennir okkur að það er gott að hafa fjölbreytni í kosnum fulltrúum okkar.  Og það er allt í einu að skipta oftar. 

Svo ætli þetta sé nýja vinnan hans?  Þáttastjórnandi!   http://youtu.be/VD5D7GymLd4

 Ég vil nú frekar fá hann sem Aðalritara Sameinuðu þjóðanna !!!!

Stríð í Úkraínu

Ekki er ástandið gott í Austur-Evrópu.  Var að horfa á danskar fréttir. Fréttamaður þeirra var á ferð rúmlega 200 kílómetra inn í Úkrainu, við borgina Slavjansk og hitti þar rússneska hersveit, einkennisbúninga, vopn, búnað, sem kváðust vera kósakkar að hjálpa rússnesku talandi fólki.  Sem tékkaði hverjir fóru yfir brú.   Alls staðar á þessu svæði virðast rússneskir Úkraínubúar hafa tekið völdin. Forsætisráðherra Úkraínu lýsir yfir stríði gegn terrorisma í landinu.  En á svæðinu sem fréttamaðurinn er austast, eru fáir úkrainskir hermenn. Fréttamanninum virtist sem ekki væri heildræn innrás frá Rússlandi heldur fámennar sveitir sendar til hjálpar Rússnesku talandi íbúum.  

Svo það lítur út fyrir styrjöld í Evrópu.  Eins og við mátti búast eftir viðbrögð Pútíns.  
  

Ráðherrar: Það er erfitt að fórna sér fyrir vanþakkláta þjóð.

Enn er hann að, sá sem trúir á afnám skatta.  Hugmyndafræði nýfrjálshyggjunnar: Hver bjargi sjálfum sér aðrir eiga ekki skilið að lifa.  Bjarni Ben styrkir vini sína, en þeir virðast ætla að flytja skipin sín til Grænlands eða að selja var það ekki til Rússlands.   Svo halda þeir áfram að kyrkja

þorpin á landsbyggðinni hægt og örugglega.  Og borga sér arð í hundruðum milljóna meðan þeir kvarta um lélega afkomu.  Svo eru þeir hissa á því að flokkurinn sé að síga saman eins og sprungin blaðra.  Dælt er milljörðum í skattalækkanir, meða vegakerfið drabbast niður, heilbrigðiskerfið sér starfsfólk sitt á hlaupum upp í næstu flugvél, húsnæðiskerfið á auðvitað að byggjast á einkaeignum fólks sem getur ekki keypti húsnæði.   
Og Sigmundur er að bjarga þjóðinni með lækkun fasteignalána af hverju kann engin að meta þetta?  Af hverju er þessi þjóð svona vanþakklát?   Er það nema von hann þurfi að hvíla sig öðru hverju erlendis?   Jafnvel i ESB landi .......... 

Það er erfitt að fórna sér fyrir vanþakkláta þjóð.

-------------------------------------------

Ríkir og sjávarútvegurinn hagnast mest 

Stærsti einstaki skattalækkunarliðurinn gagnvart einstaklingum sem Bjarni vísaði í í ræðu sinni er brottfelling auðlegðarskattsins. Reiknað er með að skatturinn skili ríkissjóði 9,4 milljörðum króna í ár samkvæmt upplýsingum í fjárlagafrumvarpinu en hann nær til um tæplega sex þúsund einstaklinga. Almennar tekjuskattslækkanir, þar sem milliþrep tekjuskatts var lækkað og neðri mörk hans hækkuð, skilar ekki nema fimm milljörðum og nær til flestra launþega.

Skattur á sjávarútvegsfyrirtæki var svo lækkaðir sem nemur 7,4 milljörðum króna, eða jafnvirði um 60 þúsund króna á hvert heimili. Þá hafa tryggingargjöld á fyrirtæki verið lækkuð sem nemur milljarði, samkvæmt ræðu Bjarna. Samtals nema þessar lækkanir um 23 milljörðum króna en því til viðbótar hefur stimpilgjöldum verið breytt og öðrum sköttum sem hafa minni áhrif á tekjur ríkissjóðs.B

Ríkir og sjávarútvegurinn hagnast mest

Stærsti einstaki skattalækkunarliðurinn gagnvart einstaklingum sem Bjarni vísaði í í ræðu sinni er brottfelling auðlegðarskattsins. Reiknað er með að skatturinn skili ríkissjóði 9,4 milljörðum króna í ár samkvæmt upplýsingum í fjárlagafrumvarpinu en hann nær til um tæplega sex þúsund einstaklinga. Almennar tekjuskattslækkanir, þar sem milliþrep tekjuskatts var lækkað og neðri mörk hans hækkuð, skilar ekki nema fimm milljörðum og nær til flestra launþega.

Skattur á sjávarútvegsfyrirtæki var svo lækkaðir sem nemur 7,4 milljörðum króna, eða jafnvirði um 60 þúsund króna á hvert heimili. Þá hafa tryggingargjöld á fyrirtæki verið lækkuð sem nemur milljarði, samkvæmt ræðu Bjarna. Samtals nema þessar lækkanir um 23 milljörðum króna en því til viðbótar hefur stimpilgjöldum verið breytt og öðrum sköttum sem hafa minni áhrif á tekjur ríkissjóðs. dv.is í dag

Ráðgjafar: Er þetta löglegt ?????

Það er margt furðulegt í okkar samfélagi, það er ýmislegt rotið:  

Stjórnvöld fóru leynt með skipan ráðgjafa

Alþingi Farið var leynt með skipan hóps ráðgjafa sem nýverið skilaði ráðherranefnd um afnám gjaldeyrishafta tillögum.

Alþingi
Farið var leynt með skipan hóps ráðgjafa sem nýverið skilaði ráðherranefnd um afnám gjaldeyrishafta tillögum. Skipan hópsins þótti varða við efnahagslega mikilvæga hagsmuni ríkisins. Þetta kemur fram í svari Sigmundar Davíðs Gunnlaugssonar forsætisráðherra við fyrirspurn Össurar Skarphéðinssonar, þingmanns Samfylkingarinnar, á Alþingi.

Ráðgjafarnir sex voru skipaðir í lok nóvember í fyrra. Hvorki var tilkynnt opinberlega um skipan
þeirra, né var skipunarbréf þeirra gert opinbert fyrr en í svari Sigmundar nú. Ráðgjafahópurinn hafði frjálsar hendur um verkaskiptingu
og fundahöld. Engar fundargerðir voru ritaðar, en fulltrúi forsætisráðuneytisins sem sat fundina ritaði minnispunkta, segir í svarinu.

Ráðgjafarnir áttu að vera uppspretta hugmynda um afnám haftanna, og áttu að auki að smíða tillögur í kringum hugmyndirnar. "Þeir eru ráðgjafar ráðherranefndar um efnahagsmál en hafa ekki verið skipaðir í nefnd eða starfshóp. Ráðgjafar hafa ekki ákvörðunarvald í neinum málum er viðkoma afnámi hafta og eru ekki opinberir starfs
menn," segir í svari Sigmundar. Því telur hann reglur um jafnt hlutfall karla og kvenna í stjórnum og nefndum ekki eiga við. Ráðgjafarnir eru allir karlmenn.

Össur spurði um þóknun ráðgjafanna, en var aðeins svarað að hluta. Tímakaup þeirra var 17 þúsund krónur. Samið var um fastan tímafjölda á mánuði, en ekki kemur fram í svarinu hversu margir tímarnir voru. Þá var greitt sérstaklega fyrir skýrsluskrif og sérstakar athuganir umfram fastan tímafjölda.
- bj

Óperan: Gunnar á lof skilið

Sá síðustu sýninguna á Ragnheiði.  Varð tilefni ýmissa hugleiðinga: 

Sýningin sem slík var gífurlega vel gerð og sett upp.  Óperunni til sóma. 

Sviðið og lýsingin frábær, ótrúlegt hvað hægt er að gera við erfiðar aðstæður.  Sviðsatriðin mörg svo falleg. Grétari og Kó til hróss. 

Söngvarar og kór voru fín, Þóra rismikil í dramatisku atriðunum, Elmar flottur á sviði, hlakka til að sjá hann í fleiru. Viðar, Bergþór, Guðrún Jóhanna og Elsa.  Þetta var allt svo jafngott.  

Óperan sjálf;  ég er bara búinn að hlusta einu sinni á hana, á sýningunni, nokkrar aríur, lofa góðu við endurheyrn, verður þetta ekki gefið út á diski.  Tveir dúettar ef ég man rétt, Bergþór í Allt eins og blómstrið eina, Guðrún Jóhanna með sína aríu í seinni hlutanum. Eiðtaka flott í samspili söngvara og kórs.  Mér þótti vanta meiri fjölbreytni í útsetningum hljómsveitarinar.  Stundum svolítið litlaust en sprettir á milli, arían (var það Guðrún Jóhanna) þegar harpan er notuð sem aðalhljóðfærið var mjög falleg.  

Það sem var einstakt við þessa sýningu að horfa á 1700 áhorfendur á hverri sýningu.  Sem kunnu að skemmta sér eins og á að gera á óperu.  Sýningin var ansi spennandi.  Og tilfinningaþrungnir lokakaflarnir dramatískir.  Ég sá nú ekki þessa grátþörf.  Þetta var damatísk en hvað með það, margar óperur eru það. Texti Friðriks var stundum ansi tilgerðarlegur það er erfitt syngja eðlilegt 17. aldar mál.  
Það eru ekki mörg óperuhús sem geta státað af svona móttökum í dag af nýrri óperu.  

Það er gaman að bera Ragnheiði saman við Passíusálma Megastar sem ég hlustaði á í sömu viku.  Sálmarnir höfðu meiri áhrif á mig, útsetningarnar magnaðri.  Ég er samt ekkert að segja að Gunnar hafi gert eitthvað slæmt, það var margt gott.  Ég var svo lánsamur að hlusta á Gunnar með félögum sínum í Trúbrot á sínum tíma.  Það er áhrifamesta rokktónlist sem flutt hefur verið hér á land, sunnudagskvöldin í Glaumbæ voru oft mögnuð. Gunnar á lof skilið. 

Mikið eigum við af góðu listafólki.   Gott er líka hversu margir Íslendingar kunna að meta þá.  Þrátt fyrir nagg um kostnað, Hörpur og það að fólk fái laun fyrir vinnu sína.    

Bjarni Ben: Frumleiki í hæstu hæðum

Þarna stóð hann keikur, fjármálaráðherrann, og eitt sem hann sagði var gamla klisjan: You aint seen nothing yet. Frumleikinn í hæstum hæðum.

Og svo var önnur klisja:  Að lækka skatta og vörugjöld. Ekki orðið var eytt í að ræða nýjar fjáröflunarleiðir. Ónei. Biblía íhaldsins, að lækka skatta.  

Hann minntist ekki á stórminnkaðan afla og tekjur í sjávarútvegi um þessar mundir. Ó nei.
Hann minntist ekki á 8 verksmiðjur í Helguvík.  Engin mengun af því. Það er gott að búa í Keflavík.

Frumleiki í hæstu hæðum.  Ó já !! Vitinn sem lýsir í myrkrin? 
Þar mun flatneskjan ein ríkja!

Ó nei....

Megas og Þórður: Tónleikar ársins Sút flaug í brjóstið inn.

Ég meina það það verða ekki betri tónleikar þetta árið. Fimmtudagskvöldið 3.apríl, í

Grafarvogskirkju. 
Við heyrum ekki tilfinningaríkari söng en í nokkrum sálmum séra Hallgríms hjá Séra Megasi. Hann söng ekki alltaf vel en stundum himneskt.   Og Magga Stína bætti svo við plússi. hún er sannur Jesús.  Og einstakur Meyjakór.  Við upplifðum lostafulla trúarstemmningu. 
Útsetningarnar voru svo fjölbreytilegar.  Spilaðar af úrvali hljóðfæraleikara. Þeim beztu. Og dásamlegri hrynsveit. 
Salurinn elskaði þessa snilld. Farið var yfir allt svið dægurlaga: rokk, popp, valsar, soul, jazz, sveifla, ballöður, blús, allt með kunnáttu fagmannsins Þórðar Magnússonar.  Ég held að annað eins hafi ekki veið gert hérlendis.   Það geta einhverjir sagt að ég sé ekki hlutlaus.  En ég veit hvað ég syng.   Og margir áheyrendur táruðust, höfug tár runnu niður kinnar. Stafir féllu í gólfið.   

Lífið er oft yndislegt.  Þrátt fyrir óáran og ríkisstjórn.  Hugsið ykkur þennan meistaratexta: 

Pétur með bljúgu bragði 
bráðlega sagði nei, 
sór sig og sárt við lagði, 
svoddan mann þekkti hann ei. 
Glöggt þegar gerðist þetta, 
gól haninn annað sinn. 
Síst mátti sorgum létta. 

Sút flaug í brjóstið inn.

Sigmundur Davíð: Að safna bjálkum

Þau eru furðuleg orð forsætisráðherra sem stöðugt tönglast á því að hann ætli að vera maður sátta og samlyndis.  Það er eins og fortíðin sé hulin þoku og eilífu myrkri.  Hann virðist ekki vita

hvernig hið íslenska samfélag leit út í lok ársins 2008 og í byrjun 2009, þegar hann kom inn í stjórnmál.  Kannski hefur hann verið að telja krónurnar og ofurgróðann með þeim sem tóku stöðu gegn krónunni á þeim tíma. 

Hann man ekki að: tekjuhalli var 200 milljarðar árið 2008 og var sífellt að batna hægt og sígandi árin á eftir undir varkárri stjórn Jóhönnu og Steingríms, hann man ekki að það var engin fjárfesting, engir vildu lána okkur, vinstri stjórnin reisti bankakerfið aftur og hlaut aðdáun sérfræðinga erlendis.  En hvað sagði Sigmundur Davíð?  Það sama og hann segir í dag: það eina sem gerðist í kringum hrunið var ófyrirsjáanlegt verðbólguskot.  Þessi skot eru ansi víða um þessar mundir. Hann virðist ekki enn átta sig á því að það sem hann getur gert í dag er vegna ótrúlegrar stjórnar fyrirrennara sinna.  Það eru þeir sem valda því að okkur er treyst betur, þó að ráðherrarnir okkar núverandi geri glappaskot í hverri viku.   

Helstu hagstærðir hins opinbera 1980-2013
	Tekjur hins opinbera	Gjöld hins opinbera	Tekjuafgangur / -halli	Verg landsframleiðsla (VLF)	Tekjur á verðlagi 2013	Gjöld á verðlagi 2013	Tekjur á mann á verðlagi 2013, krónur
2008	653.559	853.725	-200.167	1.480.347	818.240	1.068.843	2.562.163
2009	614.290	763.327	-149.037	1.497.934	710.174	882.474	2.224.535
2010	637.289	791.880	-154.591	1.535.932	689.084	856.239	2.166.889
2011	681.134	771.800	-90.666	1.628.319	713.151	808.079	2.235.489
2012	740.324	805.617	-65.293	1.699.401	753.568	820.029	2.349.641
2013	789.114	826.256	-37.142	1.786.244	789.114	826.256	2.434.147

Gjöld hins opinbera: 192,2 milljarða króna yfirtaka ríkissjóðs 2008 á töpuðum kröfum vegna veðlána Seðlabankans er meðtalin.
Tekjur á verðlagi 2013: Staðvirt með verðvísitölu landsframleiðslu.
Gjöld á verðlagi 2013: Staðvirt með verðvísitölu landsframleiðslu.
Tekjur á mann á verðlagi 2013, krónur: Staðvirt með verðvísitölu
landsframleiðslu.
Gjöld á mann á verðlagi 2013, krónur: Staðvirt með verðvísitölu landsframleiðslu.
Vísitala tekna á mann 1980=100.
Vísitala gjalda á mann 1980=100.
Vísitala vergrar landsframleiðslu á mann 1980=100. Ár2013BráðabirgðatölurSíðast uppfært:2014-03-11Eining:Milljónir Króna/vísitala/hlutfallTímabil:1980-2013

Hagvísar þjóðhagsspár 1998-2012
	Atvinnuvegafjárfesting	Fjárfesting í íbúðarhúsnæði	Fjárfesting hins opinbera	Þjóðarútgjöld, alls	Verg landsframleiðsla	Vísitala neysluverðs	Atvinnuleysi, % af vinnuafli
2007	-23,5	13,2	19,1	-0,4	6,0	5,0	2,3
2008	-23,3	-21,9	-5,9	-8,6	1,2	12,4	3,0
2009	-55,8	-55,7	-29,9	-20,4	-6,6	12,0	7,2
2010	-1,3	-18,0	-21,8	-2,6	-4,1	5,4	7,6
2011	27,9	5,4	-17,1	4,1	2,7	4,0	7,1
2012	7,8	6,9	-9,1	1,6	1,4	5,2	6,0

Síðast uppfært:2013-11-07Eining:Magnbreytingar frá fyrra ári, %
Sama getum við lesið hér um fjárfestingar, þjóðarútgjöld og breytingju á vergri landsframleiðslu.  Það er ótrúlegt að þetta skyldi verða hægt.  OG

það er ekki Sigmundi Davíð Gunnlaugssyni að þakka, hann gerir lítið í því að fjarlægja bjálkana úr augum sínum, kannski er hann að safna bjálkum! 

Forsætisráðherra (Sigmundur Davíð Gunnlaugsson) (F):

Virðulegur forseti. Ef hv. þingmaður einbeitti sér nú ekki að innantómum skætingi eins og undanfarin ár heldur liti á stöðuna hverju sinni og þau tækifæri sem eru til staðar og reyndi að nýta þau hvort sem hann er í meiri hluta eða minni hluta þá hefði nú þegar náðst miklu meiri árangur en við horfðum upp á í fjögur ár hjá gagnslausri ríkisstjórn og raunar þremur mánuðum betur þar sem minnihlutastjórn hafði það hlutverk eitt að nýta þau tækifæri sem þá voru til leiðréttingar lána. Þrátt fyrir klúður í meira en fjögur ár hefur nýrri ríkisstjórn nú tekist á innan við ári að setja saman tillögur sem tryggja munu leiðréttingu á því sem kallað er forsendubrestur, þ.e. á áhrifum hins ófyrirsjáanlega verðbólguskots sem var í kringum efnahagshrunið. En að hv. þingmaður skuli enn eina ferðina reyna að halda því fram að menn standi ekki við loforð vegna þess að kostnaður ríksins sé ekki nógu mikill, tekur út yfir allan þjófabálk í ljósi þess að í fjögur ár reifst (Forseti hringir.) ég við hv. þingmann og fleiri um akkúrat þetta (Forseti hringir.) og reyndi að benda þeim á að kostnaðurinn væri einmitt miklu minni (Alþingi 31. mars 2014)