Flóttamenn: Krafan er aðgerðir strax

Hin  samhenta ríkisstjórn að störfum. Ráðherrar útskýra stefnu stjórnarinnar hver á sinn hátt um móttöku flóttamanna. 
Þetta frá Eygló: 

Fram kemur á vef Velferðarráðuneytisins að Eygló hafi á fundi sínum með Flóttamannastofnuninni sagt að vilji íslenskra stjórnvalda stæði einkum til þess að taka á móti kvótaflóttafólki sem væri statt í flóttamannabúðum í Líbanon og öðrum nágrannaríkjum Sýrlands.
Þetta er nokkurn veginn í samræmi við stefnuræðu Sigmundar Davíðs Gunnlaugssonar, forsætisráðherra, sem sagði að Ísland og önnur Evrópulönd ættu að gæta þess að senda ekki út „þau skilaboð að þau aðstoði fólk eingöngu ef það leitar á náðir glæpamanna og hættir lífi sínu til að komast til Evrópu.“

Svo kemur Gunnar Bragi með annað: 

Gunnar Bragi Sveinsson, utanríkisráðherra, vildi fyrir ríkisstjórnarfund ekki gefa upp hvenær nákvæmlega það kæmu svör frá stjórnvöldum  um hvernig landið ætli að bregðast við flóttamannavandanum. Niðurstaðan gæti legið fyrir eftir tvær til þrjár vikur.
Á vef ráðuneytisins segir jafnframt að íslensk stjórnvöld hefðu markað þá stefnu við móttöku flóttafólks að bjóða sérstaklega velkomna einstaklinga sem teljast til viðkvæmra hópa, samkvæmt skilgreiningum Flóttamannastofnunar Sameinuðu þjóðanna.

Alþingismenn leggja áherslu á flýtimeðferð í þessum málaflokki. 
Ráðherranefnd hefur verið skipuð.  Hvað svo.  Eiga allir að vera að grauta í þessu?  Er ekki eðlilegra að fela þetta einum ráðherra sem vinnur að þessu með sínu fólki og þrautþjálfuðum stofnunum?  Hver er skýringin að endilega þurfi að taka úr flokki fólks hinum megin við

Miðjarðarhafið.  Er ekki hægt að taka tvo hópa einn frá nágrenni Sýrlands, annan frá fólki í neyð í Evrópu?  Eru engir viðkvæmir hópar sem ráfa um Balkanlöndin, oft heilu fjölskyldurnar. 

Krafan er aðgerðir strax! Beislum mannorku okkar til að hjálpa fólki í neyð.  Strax í dag.

Höfrungahlaup og Tortólaveiðar ......

það er margt merkilegt í upphafi hausts, margt sem er ekki eins og áður ....

geitungarnir eru farnir að láta sjá sig inni hjá mér, um miðjan september, flugur angra mig í morgunskímunni, ég hef haft frið fyrir þeim í sumar, hegðun fugla er ekki eins og áður, allt er seinna í ár ....

en eitt breytist ekki, það er upphaf stjórnmálakarps æðstu valdastofnunar okkar.....

formaður einnar æðstu stofnunar Alþingis telur það vera miklar framfarir ef hægt er að segja upp ríkisstarfsmönnum upp á stundinni eins og gert er á hinum almenna markaði (svo segir hún að sé), ekki hefði ég viljað vinna í blómabúðinni hennar .....

afla á fjár með því að selja eina bankann sem ríkið á, það segir fjármálaráðherra að hafi verið samþykkt í Ríkisstjórn, en forsætisráðherrann er ekki alveg viss ........

alltaf er rætt á merkilegum nótum um fjárlögin,er þensla er ekk þensla, hvað hefur verið að gerast hvaða áhrif hafa aðgerðir, skattahækkanir, lækkanir, kauphækkanir, lækkanir.  Oft er veruleikinn annar en upphrópanir stjórnmálamanna.

 Hagvöxtur síðustu sex mánaða mældist 5,2 prósent. Atvinnuleysi
minnkar hratt, verðbólga eykst og innflutningur erlends vinnuafls eykst einnig. Seðlabankinn hefur í tvígang
á árinu hækkað stýrivexti og ríkisstjórnin áformar að lækka skatta og afnema tolla á sérvöru. Ýmsir fræðingar hafa bent á að þenslumerki íhagkerfinu ættu að vera öllum sýnileg.

ekki benda á mig segir fjármálaráðherrann, hann ákvað að  vera stikkfrí af flestu sem varðar kaup og kjör, þetta var ekki hans mál.  Þið sömduð um þetta segir hann við Samtök Atvinnuveganna.  Ekki benda á mig. Svona tvisvar til að hljóma eins og Davíð. 

Bjarni Benediktsson fjármálaráðherra telur ríkissjóð ekki standa í
þensluhvetjandi aðgerðum og bendir á að höfrungahlaupið á vinnumarkaði sé ekki til bóta. „Launþegahreyfingin er týndi hlekkurinn á vinnumarkaði. Ríkissjóður er ekki að vinna
að mannaflsfrekum framkvæmdum í dag,“ segir Bjarni.

Svo mörg voru þau orð.  Höfrungahlaup, eitt nýyrðið í stéttabaráttunni.  Týndi hlekkurinn annað. Ríkissjóðurinn er að gera ýmislegt,  en spurningin er hvort það sé það rétta og góða.  Hvað skiptir mestu máli?  Hvað segir þjóðin?  Enn virðist Heilbrigðiskerfið ekki vera forgangsmálið, þar er þjóðin á allt annarri skoðun en Fjármálaráðherrann. 

Aðalatriðið er að byggja sem mest af hótel og viðskiptahúsnæði. Byggja sem mest  af því sem nýtist stjóriðju en eflaust getur ráðherrann sagt að það sé ekki Ríkissjóður það eru bara aðrar ríkisstofnanir.  Bjarni er eflaust hrifnaðri af Hvalveiðum vina sinna en höfrungahlaupi. Vinanna  sem safna milljörðum í útlöndum, kannski er Bjarni með í þeirri söfnun, þar eru hærri upphæðir en Flóttamannasafnanir: 

Íslendingar eiga um 32 milljarða króna á Tortóla

Ritstjórn Kjarnans

Mánudagur 14. september 2015 13:30

Í lok árs 2014, rúmum sex árum eftir bankahrun og setningu gjaldeyrishafta, áttu Íslendingar enn rúmlega eitt þúsund milljarða króna í erlendri fjármunaeign. Um er að ræða annað hvort eigið fé eða lánveitingar á milli aðila í sömu eigu. Þetta kemur fram í nýjum hagtölum Seðlabanka Íslands um beina fjármunaeign íslenskra aðila erlendis sem birtar voru 9. september síðastliðinn.
Á meðal þes sem kemur fram þar er að íslenskir aðilar eigi 31,6 milljarða króna á Bresku Jómfrúareyjunum, nánar tiltekið á Tortóla-eyju klasans. Bein fjármunaeign Íslendinga þar hefur aukist mikið frá því fyrir hrun, en í árslok 2007 áttu Íslendingar 8,6 milljarða króna á eyjunum. Gengisfall krónunnar skýrir aukninguna að einhverju leyti.

Þetta er ekki í forgangi hjá Ríkisstjórninni ó nei.  Því er reynt að drepa því á dreif sem skiptir máli, það er ekki hægt að semja við þá sem eftir eru heldur þarf að þrasa í vikur eða mánuði.  Svo eru þeir steinhissa að fólkið vilji kjósa eitthvað annað!

9 af hverjum 10 vilja forgangsraða peningum til heilbrigðismála

Ritstjórn Kjarnans

Mánudagur 14. september 2015 17:13

Yfir 90% landsmanna vilja að Alþingi forgangsraði fjármunum til heilbrigðismála, samkvæmt skoðanakönnun sem Gallup gerði fyrir Pírata.
Píratar létu gera könnunina í nóvember í fyrra og svo aftur í ágúst og til 11. september í ár.
Rúmlega 50 prósent vilja að þingið forgangsraði fjármunum í þágu mennta- og fræðslumála og 39 prósent í almannatryggingar og velferðarmál. 29 prósent vilja að húsnæðis-, skipulags- og hreinsunarmál fari í forgang og 27,5 prósent vilja forgangsraða til löggæslu og öryggismála.
Heilbrigðismál eru í afgerandi forgangi hjá landsmönnum óháð aldri, menntun, efnahag, búsetu, kyni og hvaða flokk fólk kýs.
  

Hógværasti forsætisráðherrann

Hann hefur talað, sá hógværasti. Mikið eigum við gott að hafa svona gáfaðan forsætisráðherra, af hverju ætli hann komi ekki þessum góðu hugmyndum sínum á framfæri innan Schengen samstarfsins?  Af hverju er hann ekki fenginn til að leysa stríðsátökin í Sýrlandi og Írak? 

Hann veit þetta allt betur en allir aðrir.   Maðurinn sem minnist ekki á stríðsátökin, ekki á þjáningar fjölskyldna, gamals fólks og barna.  Myndir af hörmungum á ekki að birta þær eiga ekki að hafa áhrif á okkur eða valdamenn okkar. .  Sigmundur virðist ekki skilja hvaða áhrif það hefur á fólk að hafa búið við stríðsástand í nokkur ár, misst allt sitt, geta engum treyst. Hann heldur að íbúar í Sýrlandi hoppi upp í flugvél á Damaskus eða Aleppo eða Homs. Hefur samt enn svo mikið sjálfsálit að það reynir að velja sinn stað í Evrópu. Lætur ekki skrá sig í Ungverjalandi eða Danmörku þar sem það getur verið sent til baka samkvæmt Dublinreglunni.  Það er sorglegt að hin nýja stjórn Danmerkur sé búin að skrá sig í þann flokk með Búdapest öfgastjórninni .  Sigmundur virðist langa í þann sama flokk.  Eða hvað?  

Nokkrir valdir bitar úr samtali á Bylgjunni:
„Já, mér sýnist það í raun og veru vera að gerast sjálfkrafa, hvort sem mönnum líkar betur eða verr. Það eru alltaf að koma nýjar og nýjar fréttir af einhverjum stöðum þar sem menn eru að setja upp eftirlit á landamærum, og núna síðast verið að stoppa umferð milli Danmerkur og Þýskalands að miklu leyti. Þetta vekur mjög stórar spurningar um Schengen, þegar menn eru hættir svo mikið sem að skrá fólk inn á svæðið, þá er það í rauninni hugmyndin sem það gekk út á, þessi ytri mörk. Þá er hún fallin,“ segir Sigmundur. 


 Það er spurning hvort það er eðlilegt fyrirkomulag, hvort það sé búið til eitthvað endamark, eins og Þýskaland, þar sem er tekið á móti fólki eins og það sé að vinna í einhverri keppni, en á sama tíma leyfa þessi lönd, Þýskaland og fleiri lönd, fólki ekki að koma með eðlilegum hætti. Ekki að fljúga til Þýskalands með flugvél. Ekki að stoppa á flugvellinum. Ekki að koma að landamærunum á ytra svæðinu, ytri mörkum Schengen, nema í raun með ólöglegum hætti. Þannig að skilaboðin eru þessi: Þið verðið að leita á náðir glæpasamtaka og reyna að láta smygla ykkur inn með lífshættulegum hætti. Ef ykkur tekst það, þá er tekið á móti ykkur og klappað þegar þið komið í land. En ef menn fara ekki í slíka hættuför, þá eru menn bara stoppaðir og sendir aftur. Þetta eru mjög hættuleg skilaboð,“ segir Sigmundur Davíð. 

Einhvern veginn kom Georg Orwell upp í kollinn á mér, af hverju ætli það sé?

Sigmundur krýpur fyrir Forseta .....

Sigmundur Davíð biður forseta afsökunar, auðvitað er þetta rétt sem hann segir.  Ólafur Ragnar hefur alltaf rétt fyrir sér, hann er guðfaðir ríkisstjórnarinnar: 

„Því hefur aldrei verið slegið föstu að atkvæðagreiðslan yrði haldin samhliða forsetakosningum, einungis ef vinnunni hefði miðað vel, og það hefur verið lögð áhersla á þann fyrirvara, að vinnan gengi vel og það væri samstaða um breytingarnar að þá væri þetta möguleiki,“ segir Sigmundur Davíð Gunnlaugsson forsætisráðherra.

Það hefur auðvitað aldrei hvarflað að honum hvað Forsetinn sé að skipta sér af eða taka afstöðu til þessara mála.  Er ekki eðlilegt að ef Forsetinn ætlar að hætta þá láti hann okkur vita.  Svo þeir geti farið að velta fyrir sér málinu af alvöru sem eru spenntir fyrir embættinu.  Við viljum fá alvöruforseta sem við þurfum ekki að skammast okkar fyrir á alþjóðavettvangi eða innanlands.  

Stjórnarskráin segir okkur um vald forseta eða valdaleysi. Ekki í skýru máli en þó vitum við það að það er lýðveldi með þingbundinni stjórn á Íslandi. Ekki forsetaveldi. Forsetinn fylgist með í hæfilegri fjarlægð.  Hann á ekki að taka þátt í stjórn ríkisins og á ekki að koma inn í spilið nema í forsetakosningum, í framboði,  og við myndun stjórnar og eftirlit lagasetninga og stjórnarerinda. 

Aðalatriðið er traustið og eftirlitið, ekki flumbrugangur og stjórnun.   Menntaður og viðsýnn forseti.  

 

Þingbyrjun: Sirkusinn heldur áfram

Þetta byrjaði vel í dag, Forsetinn áfram eins og véfrétt, forsætisráðherrann á efstastigi eins og venjulega, Hanna Birna snýr aftur, formaður utanríkisnefndar, Birgi sparkað til hliðar.  RÚV áfram út í kuldanum þrátt fyrir gnægð fjármagns ríkisins. . Frjálsir fjölmiðlar eru alltaf

hættulegir. Ríkisstjórnin sameinast að sjálfsögðu um nýjan knattspyrnuvöll.  Kirkjan fær sitt, líklega til að hlúa að flóttamönnum og vara við Islamtrú.  

Við lifum í hinum besta heimi.  Ræktum garðinn okkar. „Vinnum án þess að brjóta heilann, það eitt gerir lífið bærilegt.“Dönsum, dönsum

http://www.visir.is/framlog-til-ruv-laekka-um-173-milljonir-krona/article/2015150908887

                                           Erling stoppar upp í holu íslenskra fræða

Meistari Kristinn Sigmundsson

Ég og forsetinn og 1700 aðrir nutu snilldar Kristins Sigmundssonar og Sinfóníuhljómsveitar Íslands í gærkvöldi,siðan voru aðrir tónleikar í kvöld þar sem öll þjóðin gat fylgst með. Það eru ekki margir sem hafa tærnar þar sem Kristinn hefur hælana, að vera söngvameistari og um leið listamaður sem nær til allra að vera þjóðargersemi. Hann hafði allan salinn í krumlum sér.

Mikið erum við lánsöm að eiga svona snilling. Aríurnar hljómuðu í kolli mínum langt fram á nótt. Vonandi megum við eiga hann sem lengst. Njóta hans og gleðjast. Lífið er dásamlegt.

Hannes Hólmsteinn og Ég

Furðulegt  umræða um myndir Hannesar Hólmsteins heima hjá honum, af sjálfum sér, ein af þeim gefin af Davíð , Kjartani og Gunnlaugi að hugsa sér. Hann á Fjórar myndir að sjálfum sér, hann er ekki eins og sumir Auðmenn sem eru svo ópersónulegir. Skrítin þessi þörf hans að bera sig saman við Auðmenn. Þetta var merkileg byrjun í Kastljósi vetrarins að fræða okkur um sjálfsdekur hans.

Hannes hefur þó ekki gengið skrefinu lengra, að taka myndir af sjálfum sér eða skapa sjálfur myndir. Ég hef nú gert það í (lítilæti mínu). Hèr er prýðismynd, þarna er ég með trefil sem ég því miður týndi, þetta er ullartrefill marglitur prjónaður af konu minni, ef einhver kannast við þennan trefil í eigu sinni þá er hann velþeginn til baka. Svo er ég hér með sonardóttur minni Ísold, því hunangsblómi, byggt á ljósmynd við Gróttuvita. Þær hafa verið margar ferðirnar í gegnum árin yfir í þetta næsta bæjarfélag í vestrinu.

En að öllu gamni slepptu þá er ekki eðlilegt hve miklu púðri við eyðum í fólk sem á það ekki skilið. Sem hefur sýnt sig að vera vondar manneskjur, dæmin eru mörg, Hannes og vinur hans Davíð, annar með valdabrölti og stjórnsýki sem fær alla til að skjálfa nálægt honum,hinn með sjálfsdekri og fleðuskap þar sem undir býr mannvonska.  Við getum gert svo margt annað til að gera heiminn betri.  Enda verða þeir miður sín þegar landinn sýnir sínar bestu hliðar eins og í afstöðunni núna til hjálpar flóttamönnum frá Sýrlandi. Sem betur fer er tik mikið af góðu fólki.

Hér er týpískt greinarkorn í DV:

Hannes Hólmsteinn Gissurarson á fjögur málverk af sjálfum sér og þar af hanga tvö á veggjum heimilis hans. Lára Hanna Einarsdóttir birti á Youtube innslag úr Kastljósi þar sem rætt er við Hannes um málverkin hans, og deildi myndskeiðinu á Facebook-síðu sinni með nokkrum hæðnistóni: „Hannes Hólmsteinn sjálfum sér líkur – Hannes og stöðutáknin.“

Í myndskeiðinu sem sjá má hér að neðan er Hannes spurður hvers vegna hann sé með málverk af sjálfum á heimili sínu og segir Hannes það gert til að gefa heimilinu persónulegan blæ. Hann hafi komið inn á heimili mörg auðmanna sem séu mjög ópersónuleg.

Hannes er jafnframt spurður að því hvort málverkin séu stöðutákn og segir hann að svo megi vera en þeir sem agnúist úti í stöðutákn séu öfundsjúkir. Um málverkin segir Hannes Hólmsteinn í stuttum pistli á Pressunni:

Málverkið í stofunni er eftir Pétur Gaut Svavarsson og er frá 1991, og keypti ég það af honum til að styrkja ungan og efnilegan listamann, sem síðan hefur reynst traustsins verður. Málverkið í bókastofunni er frá 2013. Það er eftir Stephen Lárus Stephen, og færðu þrír vinir mínir mér í sextugsafmælisgjöf, þeir Davíð Oddsson, Kjartan Gunnarsson og Gunnlaugur Sævar Gunnlaugsson. Ég var svo forviða og um leið ánægður með það, þegar ég fékk það afhent í afmælisveislunni, að ég kom ekki upp orði.