Sigmundur Davíð: Að gefa út siðferðisvottorð

Framsóknar menn virðast ætla að eyðu sjálfum sér í furðulegasta flokksþingi sem haldið hefur verið hér á landi.  Núverandi formaður flokksins notar öll brögð til að koma í veg fyrir það að varaformaður og Forsætisráðherra landsins fái yfirleitt að tala á þinginu.  Menn sem tala um það hve allt hefur gengið vel hjá núverandi ríkisstjórn finnst engin þörf að láta flokksmenn vita um það hvað þá landsmenn, því við erum mörg sem erum ekki viss um hvað það  er sem hefur gengið svo vel ! 

Þingið fer að sögn fram í Háskólabíó, stóra salnum, og flokksmenn hafa verið spenntir að fá aðgang að þessari furðulegu samkomu.  Þar sem meirihluti ætlar að skera úr hvort formaðurinn sé lögbrjótur og siðleysingi.  Og telja sig hafa vald til þess.  Í staðinn fyrir að vísa honum á dýr og segja :  Burt ég veit ekki hvurt!  Af hverju er þessi fundur ekki haldinn í stærra húsnæði, Laugardalshöll eða Egilshöll, og aðgangur seldur inn, svo væri ekki verra að sjá dansleikinn í lok þingsins.  Hver dansar við hvern?   Hver slæst við hvern í lokin.  Hverjir mæta ekki?!!!

Formaðurinn sem var staðinn að lygum hvað eftir annað um fjármál sín. 

Formaðurinn sem tók þátt í því að fjölskylda hans var í kröfugerð gegn íslenskum bönkum. 

Formaðurinn sem átti hlut seldi hlut sinn í aflandsfélagi fyrir 1 evru. (sjá eignarbréfið hér að neðan)

Formaðurinn sem hljóp út frá blaðamönnum sem vildu fá að vita um fjármál hans og konu hans. 

 

Þetta virðist stórum hópi Framsóknarmanna  finnast vera allt í lagi.  Að hann hafi notað allt sumarið að endurheimta heiður sinn sem er vonlaust, líklega á kaupi frá ríkinu, meðan aðrir í forystu flokksins unnu við það að stjórna landinu.  Að það skuli vera mörg hundruð Framsóknarmenn sem  telji þetta vera allt í lagi er sorglegt þegar þeim ætti að finnast þetta vera soralegt. Telja Framsóknarmenn vera sig umkomna að gefa Sigmundi Davíð Siðferðisvottorð???

Hlutabréf Sigmundar Davíðs. Frá RME.

Þau voru ekki gift á þeim tíma sem félagið var stofn­að, en hafa gefið þær skýr­ingar að þau hafi verið með sam­eig­in­legan fjár­hag og ekki hugsað út í það að þau hafi bæði verið skráð fyrir félag­inu. Það hafi alltaf verið ljóst að eign­irnar væru Önnu. Það hafi svo verið þegar þau ákváðu að gifta sig sem þau hafi þurft að fara yfir ýmis mál og á sama tíma hafi þau skipt um umsýslu­fyr­ir­tæki. Hið nýja hafi bent þeim á að þau væru bæði eig­endur félags­ins. Þetta var árið 2009, og á gaml­árs­dag, dag­inn áður en ný lög­gjöf tók gildi á Íslandi, seldi Sig­mundur Davíð Önnu Sig­ur­laugu sinn hlut á einn dal, eins og sjá má hér að neð­an.

Kaupsamningur milli Sigmundar Davíðs og Önnu Sigurlaugar. Mynd frá RME.

3. Er Tortóla skatta­skjól? 

Lág­skatta­svæði sam­kvæmt fjár­mála­ráðu­neyt­inu er: „Ríki eða lög­sagn­ar­um­dæmi telst vera lág­skatta­ríki þegar tekju­skattur af hagn­aði félags, sjóðs eða stofn­un­ar, sem um ræð­ir, er lægri en tveir þriðju hlutar af þeim tekju­skatti sem hefði verið lagður á félag­ið, sjóð­inn eða stofn­un­ina hefði hún verið heim­il­is­föst á Ísland­i.“
Bresku Jóm­frúr­eyj­arnar eru lág­skatta­svæði sam­kvæmt lista ráðu­neyt­is­ins, og sá listi byggir á lista OECD.
Helstu ein­kenni skatta­skjóla sam­kvæmt OECD eru:

1. Eng­inn eða mjög lágur tekju­skattur
2. Skortur á skil­virkum upp­lýs­inga­skiptum
3. Skortur á gagn­sæi
4. Engin raun­veru­leg starf­semi fer þar fram

Skatta­skjól gegna þrí­þættu hlut­verki, sam­kvæmt OECD: í fyrsta lagi eru þau aðsetur fyrir svokölluð skúffu­fyr­ir­tæki, það er engin raun­veru­leg starf­semi fer þar fram heldur er þar ein­göngu póst­fang, í öðru lagi útvega þau mögu­leika á að skrá og færa bók­hald eftir smekk við­kom­andi, en ekki við­ur­kenndum bók­halds­regl­um, og síð­ast en ekki síst koma þau í veg fyrir að skatt­yf­ir­völd geti rann­sakað banka­reikn­inga við­kom­andi.Upp­lýs­inga­skipta­samn­ingur á milli Íslands og Bresku Jóm­frúreyj­anna, var gerður þann 18. maí árið 2009, en sam­kvæmt þessum lista utan­rík­is­ráðu­neyt­is­ins hefur hann ekki verið full­gilt­ur. Hann tók þó gildi sam­kvæmt Stjórn­ar­tíð­indum
htt­p://www.­stjorn­ar­ti­dind­i.is/A­dvert.aspx?ID=9033eee0-e505-4358-81ce-defe2e41198d
árið 2011. Tví­skött­un­ar­samn­ingur við Bresku Jóm­frúr­eyjar er líka í gildi, en hann er með tak­mörk­uðu umfangi. Meðal þeirra sem hafa tjáð sig um Bresku Jóm­frúr­eyj­arnar er Bryn­dís Krist­jáns­dóttir skatt­rann­sókn­ar­stjóri, sem sagði til að mynda fyrir tveimur árum að erfitt væri að fá upp­lýs­ingar um skatta­skjól því ýmsar banka- og fjár­hags­upp­lýs­ingar lægju ekki fyr­ir. Hún nefndi sér­stak­lega Bresku Jóm­frúr­eyj­arnar í því sam­hengi. Upp­lýs­ing­arnar séu ekki aðeins erfitt að sækja eða nálgast, þær séu ein­fald­lega ekki til stað­ar.

Nið­ur­staða Stað­reynda­vakt­ar­innar

Ástæða þess að verið er að kjósa snemma eru Panama­skjöl­in, og stærsta málið þar er Wintris-­mál Sig­mundar Dav­íðs. Skjöl sýna fram á að Sig­mundur Davíð átti Wintris og seldi sinn hlut í lok árs 2009, og Tortóla er skil­greint sem skatta­skjól, hvað sem líður skatt­greiðsl­um. Það er því nið­ur­staða Stað­reynda­vakt­ar­innar að sam­an­dregið séu þessar þrjár full­yrð­ingar hauga­lyg­i.

Ertu með ábend­ingu fyrir Stað­­­reynda­vakt Kjarn­ans? Sendu hana á sta­d­­reynda­vakt­in@kjarn­inn.­­­is.
*Þessi stað­reynda­vakt hefur verið upp­færð með upp­lýs­ingum um að upp­lýs­inga­skipta­samn­ingur við Bresku Jóm­frúr­eyjar tók gildi árið 2011 sam­kvæmt Stjórn­ar­tíð­ind­um.

Meira úr Kjarnanum

Lygar í stjórnmálum og fjármálum

Það eru ýmsar skoðanir og upplýsingar sem herja á okkur.  Píratar eru óhæfir segir Týr í Viðskiptablaðinu, það er nú svona með þá sem skrifa undir dulnefnum, hverjir það eru.  Vonandi ekki Árni Johnsen eða Óli Björn Kárason.  En fullyrðingin er nokkuð sem vert er að velta fyrir sér.  Þingmenn sem taka ekki afstöðu í stórum málum þjóðarinnar.  Eins og þrímenningar hafa stundað.  Samt verður nú að segja að með  Pírötum kom ferskur blær inn á Alþingissviðið.  Þeir voru oft skeleggir en skrítið var að setja þeirra besta mann út.  Það er margt sem þeir verða að herða sig í á næsta tímabili.  Og kerfi þeirra er alltof gloppótt.  Þessi hugmynd um betri pólitík er fölsk, stjórnmálabrellur og brögð eru strax komin í ljós í þeirra röðum.  Það fylgir pólitík að slíkt sé til. En auðvitað er best að hafa sem minnst af slíku...... það er ekki alltaf auðvelt......

Framboðskostnaður Forsetaframbjóðenda er að koma í ljós.  Menn verða að vera sæmilega fjáðir til að taka þátt í slíku.  Uppundir 30 milljónir í kostnað er dálagleg summa.  Vonandi eru þetta réttar tölur. Mér finnst skrítið að sá frambjóðandi sem var með langmestar auglýsingar í sjónvarpi hafi ekki eytt meiru en 9  millum.  

Svo er það gömul frétt um Hannes Smárason og Fons. Sem er á síðum RME Reykjavík Media sem hafði farið fram hjá mér.  Ætli þetta mál sé úr sögunni?  Hjá Sérstökum?  Þarna virðast allir viðriðnir hafa logið og logið.  

Eins og stjórnmálamenn á Íslandi gera.  Fjármálaráðherra hefur tekið góða syrpu í seinustu viku, og dans hans og framámannanna í seinustu kosningum um þjóðaratkvæðagreiðslu er dýrleg.  Spurning er hver lýgur ekki í Framsóknarhópnum.  
 

Óhæfir Píratar

„Þingmenn Pírata eru í raun ekkert annað en milliliður brjálaðra æsingamanna á netinu og almenningsins sem þeir eiga að þjóna sem kjörnir fulltrúar“

Framboð Davíðs kostaði 27,7 milljónir

Framboð Davíðs Oddsonar til forseta Íslands kostaði 27,7 milljónir. Framboð Höllu Tómasdóttur kostaði hins vegar 8,9 milljónir. 

Hannes Smárason var huldumaðurinn í Pace

12. maí, 2016

 

Krúnuleikur: Vindar Wintris æða um.

Og bræður munu berjast.  Allt verður Framsókn að sápu.  Krúnuleikurinn í algleymi.  
Vindar Wintris næða um.  Hnífastungur í bakið, allt eins og vera ber.  Í Framsókn.  

Segir Sigurð Inga hafa gengið bak orða sinna

 Sigmundur Davíð sagði að hann og Sigurður Ingi hafi rætt um tvennt þegar hann tók við forsætisráðherraembættinu. „Það var tvennt sem við ræddum þegar ég bað hann að taka við forsætisráðherraembættinu á meðan mál væru að skýrast, annars vegar það að ég treysti honum til þess að standa við það sem hann hafði lofað mér bæði persónulega og lýst yfir opinberlega og nýta ekki þetta tækifæri til að fara gegn mér. Hann hét því. Hitt var að hann héldi mér upplýstum,“ sagði Sigmundur Davíð í kvöldfréttum.

„Hef ekki setið að svikráðum við nokkurn mann“

Þingflokkurinn vildi setja Sigmund Davíð af

„Enginn einn maður stærri en flokkurinn“

Eygló vill verða varaformaður án Sigmundar

„Það varð trúnaðarbrestur innan þingflokksins“

Brigsl, svik og óheiðarleiki

 Hnífastungur hinar meiri.  Og svo brunar Vigdís inn á völlinn.  Þá fáum við allan sannleikann.  Við getum treyst því. Ó já. Krúnuleikurinn harðnar, sjálfseyðingarhvötin allsráðandi. 

Vig­dís Hauks­dótt­ir, þingmaður Fram­sókn­ar­flokks­ins, seg­ir þá stöðu sem upp er kom­in í flokkn­um bestu leiðina til að tryggja að Fram­sókn­ar­flokk­ur­inn lifi ekki fram að 100 ára af­mæl­inu. Færi svo yrði það al­farið á ábyrgð Sig­urðar Inga Jó­hanns­son­ar vara­for­manns flokks­ins og for­sæt­is­ráðherra.
Að sögn Vig­dís­ar kom lýs­ing Sig­urðar á at­b­urðarrás­inni 5. apríl sl., þegar til­kynnt var að Sig­mund­ur Davíð myndi segja af sér sem for­sæt­is­ráðherra, sér í al­gjör­lega opna skjöldu.

 For­sæt­is­ráðherra var meðal viðmæl­enda í þætt­ing­um Sprengisandi á Bylgj­unni í dag og sagði þar m.a. að þegar hann hefði mætt á þing­flokks­fund fyrr­nefnd­an dag í apríl hefði þing­flokk­ur­inn verið bú­inn að ákveða að setja Sig­mund af og leita til Sjálf­stæðis­flokks­ins um áfram­hald­andi stjórn­ar­sam­starf.

 Vigdís segir málið súrt.
„Fullt af brigsl­um, svik­um og óheiðarleika. En ég meina, ef menn vilja ekki að flokk­ur­inn verði hundrað ára, þá er þetta besta leiðin til þess. Það er bara þannig. Og þá ber nú­ver­andi vara­formaður flokks­ins fulla ábyrgð á því.“

Já, lesendur góðir það þarf svo sem ekki að segja margt.  Hnífakastararnir sjá um það.  Auðvitað er eðlilegt að súrmeti sé haft í veilsumatinn í Seinustu kvöldmáltíð Framsóknarflokksins. Bon Appetit! 

Sigmundur Davíð: Enn er hann á ferð. Og margir segjast vorkenna honum ....

Enn er hann á ferð.  Hver getur vorkennt þessum manni?

Sigmundur Davíð segist hafa orðið fyrir tilefnislausri og ótrúlegri árás

Enginn hefur fengið að sjá reikninga hans eða konu hans.  Er kona hans ein af kröfuhöfum? Hefur því verið svarað.?

Svo svarar hann í síma í umræðuþætti...... 

og þessum við hliðina á honum þótti ekki slæmt að vinna með honum enda um margt á sama báti...

Furðumál Alþingis og ríkisstjórnar

Fyrsta furðumál: Íslenskt samfélag tekur á sig æ óhugnanlegar myndir.  Það seinasta er formaður nefndar á Alþingi sem býr til skýrslu fær meirihluta nefndarinnar til að samþykkja hana (líklega án þess að lesa hana), svo kemur í ljós að skýrslan er drasl,  samsett af vænissýki formannsins í garð fyrrverandi ráðherra.  Embættismenn sem unnu undir stjórn fyrrverandi ráðherra bregðast við þar sem þeir eru kallaðir landráðamenn með meiru.  Skýrslan verður allt í einu ekki skýrsla, forseti Alþingis grípur frammi fyrir hendurnar á þeim tveimur sem báru skýrsluna fram, formaðurinn situr uppi með skýrsluna einn, nokkrir einstaklingar út í bæ, finna töluvert í þessari skýrslu sem gæti verið rétt,  þeir eiga það sameiginlegt að bera blendnar tilfinningar til fyrrverandi ráðherra.  Sumir hatur.  Formaðurinn ákveður að senda fyrrverandi skýrslu til annarrar nefndar. Vill sú nefnd taka við þessari skýrslu?  Verða menn að taka við því sem til þeirra er rétt? Geta þingmenn útbúið skýrslu af þessu tagi? Einn nefndarmanna í meirihluta klagar einn af embættismönnunum fyrir hótanir. Vonandi að hann hafi lesið skýrsluna. Myndi hann hleypa pappír af þessu tæi í gegnum sín samtök, Bændasamtökin?

Ef við læsum þetta í erlendum fjölmiðli um atburði í fjarlægu landi, hvað myndum við hugsa, skrifa, tala um?  Ég hugsa að við færum og fengjum okkur bananasplit. 

Annað  furðumál: 

 Ríkisstjórn samþykkti á aukafundi í morgun að leggja fram frumvarp um lagningu háspennulína frá Þeistareykjum og Kröflu að Bakka. Frumvarpið verður lagt fyrir þingflokka stjórnarflokkanna í dag. Iðnaðar- og viðskiptaráðherra segir afar mikilvægt að frumvarpið nái fram að ganga á Alþingi.

Landvernd fjallar um þetta mál á vef sínum: 

  Í samningnum kemur fram að fyrsti afhendingardagur orku á Bakka er 1. nóvember 2017, en skrifað var undir samning PCC og Landsnets í mars 2015. Landsnet hafði því 2,5 ár til að standa við gerðan samning. Draga má í efa að gert hafi verið ráð fyrir nægum tíma í samningnum, ekki síst ef litið er til eftirfarandi þátta:

• óánægju umhverfisverndarsamtaka með umhverfisáhrif línanna,
• samningar höfðu og hafa ekki enn náðst við alla landeigendur (eignarnámsbeiðni var send atvinnuvegaráðuneyti í september 2015 sem enn hefur ekki úrskurðað um eignarnám),
• ekki er sótt um framkvæmdaleyfi fyrr en í mars 2016 og þau veitt í apríl og júní 2016,
• framkvæmdaleyfi eru kæranleg lögum samkvæmt í mánuð eftir útgáfu þeirra,
• málsmeðferðartími úrskurðarnefndar umhverfis- og auðlindamála er lögum samkvæmt sex mánuðir í stórum og flóknum málum, en hefur verið a.m.k. helmingi lengri í mörgum tilfellum.

 Það er ýmislegt sem Landsnet hefur átt að vera búið að gera, svo þetta er sleifarlag fyrirtækisins. Það er ekki bara eitt atriði sem hægt er að benda á þau eru mörg sem gera það að verkum að bæðir umhverfissamtök og úrskurðarnefndir þurf að skoða þessa meðferð . 
 Hinn óumdeildi iðnaðarráðherra kveður þetta mál hafi verið rætt til þaula.  Eins og alltaf er með mál hjá henni.  Við þekkjum það.  En staðreyndin er sú að hún og hennar fólk hafa ekki verið með eftirlitið á hreinu frekar enn fyrri daginna.  Og auðvitað þarf hún að koma þessu máli yfir á Steingrím og Jóhönnu.  Hvenær luku þau störfum í ríkisstjórn?  Það var langt fyrir mars 2015!  Svo varla er þetta leiðin til að fá stjórnarandstöðu með sér í þessu máli.  Að henda skít í andstæðinginn. Og koma ef til vill endanlega í veg fyrir samkomulag.  Þetta sagði hún í gær: 

„Þar sem gríðarlegir hagsmunir eru undir og engin önnur lausn var í sjónmáli. Við erum búin á undanförnum dögum og vikum að reyna að leita allra leiða til að  leysa þetta mál án þess að löggjafinn þyrfti að grípa inni í,“ segir iðnaðar- og viðskiptaráðherra. Fundir hafi verið haldnir með deiluaðilum, umhverfis- og forsætisráðuneyti og Skipulagsstofnun.

„En (við) höfum gengið þá leið á enda. Okkar mat var það að þetta væri eina leiðin til að leysa þetta mál. Við erum í þeirri aðstöðu að að er verið að reisa Þeistareykjavirkjun  sem hornsteinn verður lagður að á föstudaginn. Framkvæmdir eru farnar af stað við iðnaðarsvæðið á Bakka. En það vantar að tengja virkjunina við framkvæmdastaðinn. Það er staða sem er óásættanlegt að vera í og þess vegna er gripið til þessa ráðs,“ segir Ragnheiður Elín.

Mjög mikilvægt sé að frumvarpið verði afgreitt fyrir kosningar og hún vonar að samstaða náist um það við stjórnarandstöðuna. En nú þegar hafi samtöl átt sér stað við hana að undirlagi forsætisráðherra. Nú kalli hún alþingismenn til ábyrgðar í þessu mikilvæga máli.

„Sem á sér rætur á síðasta kjörtímabili. Þar sem Steingrímur J. Sigfússon og Jóhanna Sigurðardóttir voru í forsæti fyrir ríkisstjórn og þetta mál á sinn uppruna þaðan,“ segir Ragnheiður Elín og segist ekki trúa  öðru en málið hljóti farsæla afgreiðslu á Alþingi.
(visir.is feitletrun mín) 


Þær eru báðar miklir blöðruselir, Vigdís Hauksdóttir og Ragnheiður Elín.  Önnur fékk ekki ráðherraembætti og hættir, hin fékk ráðherraembætti og spilaði því úr höndum sér og missti tiltrú síns flokksfólks.  Svona er lífið.  Í stjórnmálum þarf þor og dug, líka þarf maður að vita hvenær maður á eitthvað að segja og hvenær á ekkert að segja.  Það er listin.

Höfuðóvinurinn: Baráttan gegn Menningunni

Það er skrítið á hvað er lögð mest áhersla, hjá stjórnvöldum. Ég var að hugsa um þetta í gær. Náttúrugripasafn hefur í áratugi verið lagt til hliðar.  Hús íslenskrar tungu er enn gryfja við Suðurgötu (en framkvæmdir eiga að hefjast á næsta ári). Stór hluti af hægri mönnum voru alltaf á móti því að byggja hús yfir tónlist og ráðstefnur, Hörpu. Einn aldraður arkitekt telur tíma

sínum vera vel varið að ræða um það hversu vitlaust hafi verið að reisa þetta hús, sem vekur aðdáun erlendra gesta og listamanna, mesta  menningarafrek okkar á 21. öld. Og einn liðurinn í ferðamennsku okkar er menningartúrismi sem stöðugt fer vaxandi. Ferðamenn eru stöðugt meir áberandi á tónleikum og listaviðburðum.

Hróður okkar sem menningarþjóðar fer víða, í bókmenntum, tónlist, myndlist og svo framvegis.   En stór hópur framámanna heldur að fólk sem vinnur í þessum atvinnuvegum samfélagsins sé á framfæri hins opinbera.  Þetta fólk á að fá sér vinnu og dúlla við listina á kvöldin. 

 Ung kona sýningarstjóri við Listasafn Íslands ræðir þetta af hreinskilni í Fréttablaðinu í dag. 
 



Þetta er ekki ómeðvitað skeytingarleysi heldur grjóthart. Við
eigum í stríði um menninguna –
þannig upplifi ég það. Þetta er ekki
spurning um að þingmenn eða ráðamenn hafi ekki haft tíma til þess að
kynna sér gögnin um hagræn áhrif
skapandi greina og bein tengsl
milli aukins ferðamannastraumsog menningar, því þau eru búin að
liggja fyrir lengi. Þessi þjóð er tiltölulega sammála, hvað sem fólk
segir um listamannalaun, um nauð-
syn þess að við höldum áfram að
skapa tónlist, myndlist og svo framvegis. Þetta er mjög alvarlegt mál.“
 

og listafrömuður sem kynnir list okkar út um allan heim tekur undir, Pétur Arason.

Þurfum að átta okkurBirta tekur undir þetta. „Maður er
aðallega ósáttur vegna þess að við
vitum vel að Ísland er forríkt land.
Við sjáum aðrar smáþjóðir styðja

listasöfn sín mun betur þótt þær eigi
ekki heimsþekkta listamenn. Hins
vegar geta allir innan alþjóðlega listheimsins strax nefnt fjóra íslenska
listamenn eða fleiri. Þetta er ótrúleg
skekkja og hreint út sagt plebbalegt
af stjórnvöldum að átta sig ekki nógu
vel á því hvað við erum í mikilli sérstöðu.“
Pétur tekur undir það og segir:
„Hingað streymir gríðarlegur fjöldi
ferðamanna á hverju ári og stór
hluti þess fólks hefur mikinn áhuga
á menningu og listum. Þessir ferðamenn vilja hafa aðgang að sögu þjóð-
ar, list hennar og menningu. Við þurfum líka að hafa stöðugan aðgang að
þessu sjálf. Fólk vill geta skoðað sögu
íslenskrar myndlistar og það sem við
eigum. Það vill frá fræðslu og þá samræðu sem alþjóðlegi listheimurinn á
í, á hverjum degi. Við þurfum að gera
betur í þessum efnum. Miklu betur.

Margt verður svo plebbalegt eins og Birta segir, við getum ekki komið okkur saman um upphæð af Ferðamennskunni sem nota á til að byggja upp aðstöðu fyrir túrismann.  Klósett verða vandamál hjá okkur, við, fólkið í landinu eigum að skaffa fjármuni í þetta.  Þeir sem hafa ofsagróða úr atvinnuvegum okkar, ferðamennsku, sjávarútvegi, stóriðnaði, eiga ekki að borga nema lágmarksskatta af sínum tekjum. Hlutverk þeirra virðist vera að safna sjóðum á fjarlægum eyjum ásamt völdum hópi stjórnmálamanna.  Ég held þeir virðist ekki vita til hvers.