Eitrið, spillingin og stjórnmálin

Það er skrítið ástandið í okkar samfélagi.
Vinstri og hægri flokkur ganga í samstarf í ríkisstjórn.
Þrátt fyrir að hafa verið miklir andstæðingar um árabil.
Þar sem vinstri flokkurinn hafði um árabil ráðist á hægri flokkin fyrir spillingu og það að vera varðhundur fyrir óbreytt þjóðfélag, standa í veg fyrir uppbyggingu félags og heilsugæsluþjónustu.
Að vera taglhnýtningur  fyrir stærsta  hernaðarveldi heimisins og berjast gegn friði.  Að hafa stutt  og stýrt óbilgjarnri  stefnu og ómannúðlegri gagnvart flóttafólki, fátæklingum, öryrkjum og yfirleitt öllum sem minna mega sín hjá okkur.

Þar sem hægri flokkurinn hefur gagnrýnt Vg fyrir pólitískan barnaskap í efnahagsmálum sem hafa engan skilning á rekstri fyrirtækja hvort sem um er að ræða einka eða opinberan rekstur. Flokkur sem er lygilega einfaldur í hugmyndum um alþjóðamál. Sem gera sér enga grein fyrir þeirri ábyrgð sem maður verður að sýna í friðar og hernaðarmálum. Og þegar verst lét að vera kommúnistar.

En nú er allt fallið í ljúfa löð.  Forsætisráðherran virðist ekki sjá neinn skavanka á því að stunda þetta samstarf. Hún tiplar á tánum í kringum ráðherra íhaldsins.Þeirra sem brjóta lög og mannréttindi, þeirra sem standa vörð um óbreytt ástand atvinnuveganna, þeirra sem hygla ættingjum og vinum. Þeirra sem vilja hafa allt óbreytt í spillingarþjóðfélagi okkar. Hún styður þá fullkomlega sem hún hafði áður gagnrýnt harkalega.Við eigum öll að vera svo sátt í samfélagi sem sárafáir eiga allt og ríkja yfir öllu í skjóli auðs.

Hún verður til athlægis fyrir að koma saman efnisgrein sem er ein sú fáránlegasta sem sést hefur í stjórnmálum seinni ára.  Þingmenn flokks hennar sem áður voru með ritræpu  í fjölmiðlum eru orðnir að virðulegum og ábyrgum þingmönnum sem íhuga og taka afstöðu í málum sem er þvert á það sem þeir sögðu fyrir nokkrum mánuðum.

Nú segja þeir sem töldu þessa stjórn nauðsynlega fyrir sálarheill þessarar þjóðar að með myndun þessarar stjórnar hafi orðið þáttaskil. Nú sé unnið að heilbrigðismálum, velferðarmálum, húsnæðismálum, og að allt sé í sóma. 

En lesandi góður, er þjóðin ánægð?  Hvers vegna kraumar undir á þessum góðæristíma?  Aðeins helmingur styður ríkisstjórn. 
Enn furðulegra er að 25% styður sjálfstæðisflokkur, 10% Miðflokkinn.  Ekki hefur ánægja vaxið með þátttöku VG í þessari stjórn.  En flokkurinn er auðvitað að fórna sér fyrir okkur. Og framsóknarflokkurinn tortímir sjálfum sér í þessum félagsskap.

Og enn er það erfitt að skilja hvernig Forsætisráðherran og hennar fólk á erfitt með að skilja að það er spillingin SPILLINGIN veldur því að það er erfitt að komast upp úr holunni.  Og hún verður æ dýpri, æ erfiðara að komast upp úr henni.  Hvernig verður svo næsta stjórn?  Er það ekki Vinstri Græn sem er búin að eitra loftið.   Þar sem sjálfstæðisflokkurinn þar er spilling og hún eitrar, hún drepur.  Skrattinn horfir á og kumrar af ánægju. 

Mynd: Asger Jorn ljósmynd Greinarhöfundur
 

Arfleifð Sjálfstæðisflokksins : Hver vill vera með?

Nú er við höfum fengið dóm Landsréttar í Stóra Glitnismálinu þá er spurningin hvernig íslenskir stjórnmálamenn ætla að höndla veruleika Engeyjarættarinnar.  Ætla þeir að láta eins og ekkert sé? Viðurkenna Bjarna Benediktsson sem mesta valdamann þjóðarinnar, hvað sem hann hefur gert af sér, fara með honum í ríkisstjórn láta hann stjórna fjármálum þjóðarinnar? Horfast í augu við hann á hverjum degi og brosa blítt. Gleyma sölu sjóðsbréfa, þurrka kúlulán úr minninu, líta framhjá peningaþvætti á fjarlægum eyjum. Og enn eru ekki öll  kurl komin til grafar. 
Í viku sem hefur ekki verið hliðhollt embættismönnum og regluverki þjóðarinnar, þá er það ekki ríkisstjórninni til framdráttar að skipa dæmdan fyrrum hrunforsætisráðherra fulltrúa okkar í Alþjóðagjaldeyrissjóðnum. Hagfræðingnum sem vissi ekkert um Hagfræði. 

Bjarni losaði sig út úr Sjóði 9 í hruninu

SJÁ EINNIG

Seldi í Sjóði 9 sama dag og neyðarlögin voru sett

Umfjöllun fjölmiðlanna hófst 6. október 2017 með ítarlegum fréttaskýringum um viðskipti Bjarna Benediktssonar, þáverandi forsætisráðherra, og fjölskyldu hans í kringum bankahrunið 2008.

Kom meðal annars fram að Bjarni Benediktsson hefði selt allar eignir sínar í Sjóði 9 hjá Glitni dagana 2. til 6. október 2008 og að faðir hans hefði verið leystur undan sjálfskuldarábyrgð hjá bankanum skömmu fyrir hrun.

SJÁ EINNIG

Bjarni losnaði við 50 milljóna kúlulánaskuld í aðdraganda hrunsins

Stundin fjallaði svo ítarlega um kaup Engeyinga á Olíufélaginu árið 2006 og hvernig yfirtakan var að miklu leyti fjármögnuð með kúlulánum.

Fram kom að Bjarni hefði verið losaður undan 50 milljóna kúluláni sem hann hafði tekið persónulega hjá Glitni og skuldin færð yfir á skuldsett eignarhaldsfélag föður hans, Hafsilfur ehf., sem síðan var slitið eftir hrun. Slitastjórn Glitnis tók málið til sérstakrar skoðunar enda fannst engin fundargerð þar sem skuldskeytingin var leyfð.

Hann er sýkn saka. Hannes segir það og Mogginn

Fyrrum Seðlabankastjóri skrifar bók um hrunið. Skrýtið að lesa þetta á sama tíma og svokölluð skýrsla Hannesar er gerð að Biblíu Davíðsklansins. Siðblindan ríður ekki við einteyming.

https://stundin.is/grein/7510/radgata-af-hverju-island-var-ovidbuid-hruni/

Ráðgáta af hverju Ísland
var óviðbúið hruni

Svein Harald Øygard, norski hagfræðingurinn sem kallaður var til í Seðlabanka Íslands til að leysa af Davíð Oddsson árið 2009, segir að allir alþjóðlegir aðilar hafi séð í hvað stefndi fyrir hrun. „Ástarbréf“ Seðlabankans hafi valdið mestu tapi og bankarnir hafi verið ósjálfbærir frá 2007. Hann lýsir deilum við starfsmenn AGS og hvernig „gjaldþrotaleið“ Framsóknarflokksins hafi tafið fyrir afnámi hafta. Hann gefur út bók

 óviðbúið hruni

Svein Harald Øygard, norski hagfræðingurinn sem  var til í Seðlabanka Íslands til að leysa af Davíð Oddsson árið 2009, segir að allir alþjóðlegir aðilar hafi séð í hvað stefndi fyrir hrun. „Ástarbréf“ Seðlabankans hafi valdið mestu tapi og bankarnir hafi verið  frá 2007. Hann lýsir deilum við starfsmenn AGS og hvernig „gjaldþrotaleið“ Framsóknarflokksins hafi tafið fyrir afnámi hafta. Hann gefur út bók um hrunið með viðtölum við fjölda erlendra og innlendra aðila.

hruni

Áhyggjur Guðlaugs Þórs og afstaða Íslands

Þær eru miklar áhyggjurnar hans Guðlaugs Þórs, spurningin hvort að þetta séu áhyggjur allrar ríkisstjórnar Katrínar Jakobsdóttur? Mínar eru sorgir þungar sem blý Kvað Oddaverji nokkur á raunastund. Eigi skal höggva sagði Snorri. Utanríkisráðherra er hófsamur maður, maður friðarins, talar um friðsamlegar lausnir, hann á langt í land að vera Trumpari í tweed stíl.

Leitað verði friðsamlegra lausna
fólk geti mótmælt með friðsamlegum hætti.

Segir hann.Hann er samt á því að það sé skelfilegt að það séu fleiri manns búnir að falla. Búnir að falla, þannig var það!Fólkið var ekki myrt, ekki drepið, ekki tekið af lífi án dóms og laga. Þessi víg vekja ekki slík hughrif  hjá Utanríkisráðherranum okkar. Og sjá þegar flett er upp á vefsíðu Utanríkisráðuneytis þá er ítarleg frásögn af fundi Guðlaugs Þórs og James Matís um hið góða samstarf Íslands og Bandaríkjanna. En ekki eitt orð um ummæli utanríkisráðherrans í seinni fréttum RUV í gærkvöldi. Þá voru helstu viðfangsefni á alþjóðavettvangi til umræðu, þ.m.t. málefni Miðausturlanda og staða mála á Gaza. Segir í frétt Utanríkisráðuneytisins. Voru þessi ummæli ef til vill aldrei sögð? Spyr sá sem ekki veit?


-—-------------------

Guðlaugur Þór Þórðarson utanríkisráðherra lýsti áhyggjum sínum af opnun bandaríska sendiráðsins í Jerúsalem á fundi með Jim Mattis, varnarmálaráðherra Bandaríkjanna, í dag. Hann sagði að fólk hefði rétt á því að mótmæla.

„Við lýstum yfir áhyggjum okkar yfir þeirri ákvörðun á sínum tíma að gera Jerúsalem að höfuðborg og leggjum áherslu á að leitað verði friðsamlegra lausna og við sjáum fyrir okkur lausn sem yrði byggð á tveggja ríkja leiðinni,“ sagði Guðlaugur Þór í viðtali í sjónvarpsfréttum klukkan 22:00.

Alþjóðasamfélagið hefur að miklu leyti fordæmt framferði Ísraelsmanna á Gaza en sendiherra Bandaríkjanna hjá Sameinuðu þjóðunum sagði í dag að Ísraelsher hefði gengið fram af hófsemd. Hvar stillir Ísland sér í flokki?

„Við náttúrulega höfum mjög miklar áhyggjur af því þegar við sjáum þá hluti sem þarna eru á ferðinni. Það er skelfilegt að það séu fleiri, fleiri manns búnir að falla. Við leggjum mikla áherslu á að fólk geti mótmælt með friðsamlegum hætti.“ Guðlaugur Þór sagði að það hafi verið afstaða Íslandi lengi og að hún hafi ekki breyst.  

Siðferðislegt hrun forystusveitar VG

Tvær fréttir:Siðferðislegt hrun forystusveitar VG. Stórsigur uppreisnarhreyfingar í Eflingu. Á sama degi. 

Ég yfirgaf Samfylkinguna  þegar svipað ástand  réð ríkjum þar og nú í VG og gekk til liðs við VG. Tók sæti á lista, var á öflugum landsfundi þar sem allt annað var upp á  borði en þjónkun við Íhaldið í landinu.  Nú er ég á förum. Flokkur sem lokar augum fyrir spillingu og heldur að hann geti verið bjargvættur landsins í samstarfi við XD og XB án þess að setja hnefann í borðið. Gefur grænt ljós á áframhaldandi óstjórn Dómsmálaráðherra, alræði Sjálfstæðisflokksins í dómsmálum, mannvonsku og skeytingarleysi í garð flóttamanna og útlendinga. Leyfir fjármálaráðherra að deila fé landsmanna til vina og vandamanna eftir geðþótta. Kemur í veg fyrir breytingar í sjávarútvegsmálum. Forsætisráðherrann verður fyrir vonbrigðum með 2 þingmenn sem leggja siðferðislegt mat á stjórnmál. Þvílík ósvinna!

Svo var það Efling. Ég bjóst svo sem ekki við kraftaverkum. En .... það kraumar víða. Svo sigur Sólveigar Önnu og félaga er í samræmi við það. En nú byrjar lífið hjá henni. Og baráttan .... Það er ekki auðvelt að vera Leiðtogi fólksins, kröfurnar eru miklar.

Já lesandi góður, ég er á förum, ríkisstjórn Katrínar Jakobsdóttur er ekki ríkisstjórn mín, ég beið eins og margir til að sjá hvað gerðist, hvort kraftaverk gerðust. En þau eru ekki algeng eins og við vitum. Og Jesúsar eru ekki á hverju strái.

Hvenær verður nóg nóg?

Hvenær verður nóg nóg? Þvílíkir hrottar í umboði Forsætisráðherra og þriggja flokka (ég veit ekki um fleiri). Unglingurinn fékk ekki að kveðja vini og vandamenn. Fékk ekki að klára mál sitt hér heima, lögfræðingur hans er í myrkri,Rauðikrossinn fær ekkert að vita, lætt í burtu í skjóli embættismanna. Hvenær verður nóg nóg? Ekki benda á mig dugir ekki. 

Vill ekki einhver góð manneskja búa til graf yfir þásem eru meðsekir í einum svona atburði.. Ekkert breytist fyrr en nokkrir segja NEI. Er ekki óhlýðni næsta skrefið. Er hægt að tala um lög um svona gjörning?

Hvenær verður nóg nóg? Þvílíkir hrottar í umboði Forsætisráðherra og þriggja flokka (ég veit ekki um fleiri). Unglingurinn fékk ekki að kveðja vini og vandamenn. Fékk ekki að klára mál sitt hér heima, lætt í burtu í skjóli embættismanna. Hvenær verður nóg nóg? Ekki benda á mig dugir ekki. Þið eru sek.!

Íslenska kerfið : sýkn eða sekur?

Hvað er að ske á Íslandi? Það er eins og Ákæruvald  og Dómsvald séu í því hlutverki að sjá um að sem minnstu fjármunir komi í hlut samneyslunnar í landinu. Hver fréttin á fætur annarri lekur í gegnum heilabúin á okkur landsmönnum, maður er varla hættur að gapa af undrun þegar næsta furðufrétt birtist. Stundum milljarðar, stundum milljónir.

Meistarafrétt var í mbl.is í dag. Athafnamaður á Selfossi með tvö fyrirtæki er sýknaður af 19 milljóna  kröfu vegna skorts á sönnunargögnum :. Sýknu­dóm­ur­inn grund­vall­ast af skorti á gögn­um. Í hon­um kem­ur meðal ann­ars fram að héraðssak­sókn­ari gekk ekki á eft­ir því að maður­inn sem var ákærður myndi mæta við aðalmeðferð til að gefa skýrslu. Eng­in vitni hafi verið kölluð til og því skorti gögn. 

Að lesa dóminn er eins og að lesa furðufrétt, sá ákærði hefur ekki greitt virðisaukaskatt eða staðgreiðslu opinberra gjalda meira og minna  á tímabilinu 2013- 2016. Allt framferði yfirvalda við málsmeðferð er hið undarlegasta, vitni ekki kölluð fyrir, ekki tekið mark á játningu, ekki könnuð til fullnustu aðkoma annarra. 

Það er því ekki nema von að peninga vanti í innviði samfélagsins. Hefur ekki verið gert ráð fyrir 90 milljarðar innheimtist ekki í opinber gjöld á ári? Þetta dæmi sýnir að það eru margir úti að aka í vinnunni. Eða er þetta bara venjuleg vina og kunningja spilling?

Sýknaður af ákæru því hann mætti ekki

D Ó M S O R Р:

Frávísunarkröfu ákærðu er hafnað.

Ákærðu, A, B og C skulu vera sýkn af öllum kröfum ákæruvalds í málinu.

Allur sakarkostnaður greiðist úr ríkissjóði, þ.m.t. málsvarnarlaun skipaðs verjanda ákærðu, Jóns Bjarna Kristjánssonar hdl., kr. 1.159.400, að meðtöldum virðisaukaskatti, auk ferðakostnaðar verjandans kr. 33.800.

Flóttamenn. Borga skuldina eða farvel

Alltaf er maður stoltur að vera Íslendingur. 5 lögreglumenn fylgja honum úr landi. Offsóttum Írana vegna kynhneigðar. Karl sem hefur náð að aðlagast. Gifst Íslendingi í óþökk yfirvalda hér, giftast á Ítalíu,  til Íslands fær hann ekki að koma. Er hann hættulegur, ofbeldisfullur. Stundin ræktar hlutverk sitt sem ábyrgur fjölmiðill. Birtir fréttit af þessu. Hann á að borga skuldir sínar Allir Íslendingar gera það. Líka Sigríður Andersen. Líka Bjarni Benediktsson.
Við ættum kannski að hafa það svona, borgið eða far vel. Hvað gerist þegar þau borga ekki skuldir Þá verður þögn og síðan skuldin niður færð hægt og rólega, ekki láta fjölmiðla vita, þeir skemma allt. 

Útlendingur sem færður er úr landi samkvæmt lögum þessum skal greiða kostnað af brottför sinni. Útlendingurinn skal einnig greiða kostnað af gæslu þegar hennar er þörf vegna þess að hann fer ekki úr landi af sjálfsdáðum. Krafan er aðfararhæf og hún getur auk þess verið grundvöllur frávísunar við síðari komu til landsins. Lögreglunni er heimilt að leggja hald á farseðla sem finnast í fórum útlendingsins til notkunar við brottför. Sama gildir um fjármuni til greiðslu á kröfu vegna kostnaðar við brottför og gæslu samkvæmt ákvæði þessu.“ 

Ríkisstjórn: Og þau brosa blítt

Sorgleg lýsing á einni viku í sögu íslenska lýðveldisins á meðan VG, D og B kurla saman ríkisstjórn sem á ekki eftir að taka á þeim màlum sem hér er fjallað um. Guð verndi Ísland en líklega er það honum um megn. 

Nokkrir dagar á Íslandi

https://kjarninn.is/skodun/2017-11-16-nokkrir-dagar-islandi/

Inga í Spillingararminum

Það er ýmislegt sem gerist á tæpum sólarhring, ég sem ætlaði að gefa Ingu Sæland tækifæri. Hún hefði getað verið góð með VSPB vegna jákvæðrar afstöðu  og heilinda í málum sem vinstri mönnum er annt um, sem snúa að samneyslu. En sjá,  síðdegis  í dag er hún  ekki bara orðin aftursætisbílstjóri SDG heldur líka komin í málefna bandalag með honum að sögn framsætisbílstjórans.  Og sjá nú lýsir hún yfir í RUV stuðningi við spillingararm íslenskra stjórnmála stjórnmála, það eru Bjarni og Sigmundur sem eiga fyrstir að mynda stjórn. Íhaldið og Afturhaldið hljóta að gleðjast, fá nýja bandamenn sem vilja ekki borga skatta en auka samt heilsugæslu, vilja halda landinu genetískt hreinu en eru ekki þjóðfasistar. Allt eins og svipaðir flokkar út í Evrópu. 

Svo við eigum eftir að sjá harðari afstöðu til Flóttamanna, sem taka frá Íslenskum fátæklingum og öryrkjum og gamalmennum að hennar sögn. Inga verður enginn postuli í stjórnmála hjörðinni. Hún fellur á fyrstu prófum.  Flokkur fólksins á ekki að tengja sig fólki sem ástundar  það að komast hjá því að greiða í samneysluna. 

Spillingarholan

Það fór sem margan grunaði að ekkert væri til sem héti Spilling og Óheiðarleiki á Íslandi hjá kjósendum. Það eru margir sem eru miður sín yfir fíflsku samlanda sinna. Ég er einn þeirra .

Að kjósa SDG og BB. Að það sé allt í lagi að hafa forystumenn í stjórnmálum sem hafa verið að brjóta lög landsins. Til að auðgast og komast hjá því að borga skatta og skyldur eins og þeim ber. 

Enn er það fáránlegra að þessir sömu karlar skuli að vera að krefjast þess að fá að mynda ríkisstjórn. Og enginn getur stöðvað þá.  Annar er holdgervingur íslenskra íhaldsafla, allt er gert til að koma í veg fyrir að blettur falli á Engeyjarættina. Hinn er eitthvað sem ég kann ekki skil á en heiðarleika þekkir hann ekki.  Það er sorglegt að hluti þjóðarinnar  velji þetta yfir sig. Og allur heimurinn fylgist með þessu og undrist. 

Nú stöndum við frammi fyrir orðnum hlut. Vonandi tekst flokkum sem hafa hreint mjöl í pokanum að koma sér saman um starfhæfa stjórn sem tekur á málum fólksins í landinu og leysir þau.  En kannski erum við komin til að vera í þessari Spillingarholu. 

Kosningar: skrípaleikur auðmanna.

Skrítið að horfa á leiðtogaumræður. Þar sem þáttastjórnendur hafa of mikil áhrif. Og það er eins og leiðtogar séu hræddir um að tipla á hvers annars tám. Spillingargossarnir fá engar athugasemdir eða beitta gagnrýni, meira að segja í frjálsum spurningum kemur ekkert. Af hverju þessi hræðsla? Hafa Bjarni  eða Sigmundur eitthvað guðdómleg yfir sér. Þessir dónar?

Líklegt er að tár geti haft áhrif í þetta skipti þótt Sædal verði nú aldrei nema vafasamur Trumpari í mínum  augum. En ... það er ekki enn búið að telja atkvæðin. Þó vitum við að Sorgleg fortíð tilheyrir sögunni svo er Óttari að þakka og hinu undirfurðulega sambandi hans og Benedikts. Björt kom sterkt út í lokakaflanum hún ætti að vera í öðrum flokki.

En lesendur góðir. Alvaran blasir við okkur. Ætlum við að rísa upp úr því að vera spilltasta þjóð  Vesturlanda eða halda áfram að vera aðhlátursefni allra og vekja furðu í fáránlegum skrípaleik auðmanna okkar og fylgismanna þeirra. 

Þessir brosa enn í kampinn. 

Allt níðrá við?

Biskupinn sýnir flokksskírteinið

Nú er biskupinn kominn í kosningaham.  Hún fræðir okkur um sinnaskipti og siðbót eins og alvöru biskupar hafa gert í gegnum aldirnar. Eitthvað er samt óljóst og þruglkennt hvar sannleikurinn á heima. Enda er viðtalið við hana sem vitnað er í Morgunblaðinu og langt er síðan sannleikur eða siðvitund flýðu þaðan. 

Hún hefur fundið nýja leið til að finna rótina og gildin. Það gerir maður með því að núllstilla hlutina. Þetta er hrein snilld. Það hlýtur að vera aðeins á færi Biskups  að núllstilla græðgina þegar í hlut eiga Auðmenn þjóðarinnar undir forystu Bjarna Ben og Sigmundar Davíðs sem þriðjungur þjóðarinnar virðist ætla að kjósa. Enda leyfa þeir enga sannleiksleit í sínu ríki.

Nei. Það myndi enginn Snowden eða Manning geta komist upp með neitt nálægt henni.  Assange  hefði bara unnið í Bibleleaks. Er Biskupsstofan deild í Sjálfstæðisflokknum?

Í viðtalinu segist Agnes meðal annars óttast að alþingiskosningarnar um næstu helgi skili okkur ekki einhverju nýju nema menn átti sig á því að það þurfi að taka sinnaskiptum. Þá segir hún að siðbót í íslensku þjóðlífi ætti að felast í endurnýjun á þeim gildum sem við höfum reitt okkur á í aldanna rás og hafa verið siðferðilegur grunnur lífsviðhorfa okkar. „Ein leið til að komast að rót vandans er að greina hann, draga sannleikann fram í hverju máli og núllstilla hlutina,“ segir Agnes, en segir hins vegar ekki allt leyfilegt í sannleiksleitinni og að ekki sé siðferðilega rétt að afhjúpa sannleikann með stolnum gögnum.

Spillingar- Bjarni : Holur hljómur í ósannsögli...

Spilling er orð. Orð sem of oft heyrist á skerinu okkar.  En það er okkar að velja. Viljum við láta þá stjórna okkur sem eru áhættufíklar og hugsa bara eigin hag.
Við getum valið annað, þeir sem fara alltaf að ræða um vinstri stjórnina og gleyma hvað hafði gerst áður, þeir sem láta eins ogþeir viti ekki af misgjörðum og lygum formannsins. Allt fyrir flokkinn.

En kannski er mörgum alveg sama. Allir eru að gera það.

Seldi í Sjóði 9 sama dag
og neyðarlögin voru sett

Bjarni Benediktsson, þáverandi þingmaður og núverandi forsætisráðherra, seldi allar eignir sínar í Sjóði 9 hjá Glitni dagana 2. til 6. október árið 2008. Þann 6. október miðlaði hann upplýsingum um störf FME til framkvæmdastjóra hjá Glitni. Ný gögn varpa ljósi á hlutabréfasölu Bjarna í Glitni í febrúar 2008 en hann fundaði með bankastjóra Glitnis tveimur dögum áður en hann byrjaði að selja bréfin.

6. október

Bjarni: Lögbann á þessum tímapunkti út í hött

Segir holan hljóm í málflutningi KatrínarSeldi

FRÉTTIR

Forsætisráðherra
sagði
ítrekað ósatt

Umfjöllun Stundarinnar upp úr gögnum, í samstarfi við The Guardian og Reykjavik Media, sýndi fram á að Bjarni Benediktsson setti endurtekið fram rangar staðhæfingar í umræðu um eigin viðskiptagjörninga.

 í Sjóði 9 sama dag
og neyðarlögin voru sett

Bjarni Benediktsson, þáverandi þingmaður og núverandi forsætisráðherra, seldi allar eignir sínar í Sjóði 9 hjá Glitni dagana 2. til 6. október árið 2008. Þann 6. október miðlaði hann upplýsingum um störf FME til framkvæmdastjóra hjá Glitni. Ný gögn varpa ljósi á hlutabréfasölu Bjarna í Glitni í febrúar 2008 en hann fundaði með bankastjóra Glitnis tveimur dögum áður en hann byrjaði að selja bréfin.

XD: Einn á móti tímabundnum afnotum

Nefnd lögð af, enn er Sjálfstæðisflokkurinn þjónn útgerðarmanna, allir aðrir flokkar í þessari nefnd vilja gjaldtöku sem miðist við tímabundin afnot. Eitt hefur verið notað gegn VG að þeir vilji ekkert gera í sjávarútvegsmálum. Ekki er það þarna. Allir sammála nema xD. Þetta er skýringin á baráttunni gegn stjórnarskrá!

Aðalatriði stefnu VG í Sjávarútvegi eru:

Sjávarútvegur

Meginmarkmiðið með sterkri sjávarútvegsstefnu er sjálfbær nýting fiskistofnanna, ábyrg umgengni um lífríki hafsins, samhengi í byggðaþróun og síðast en ekki síst að arðurinn af auðlindinni renni til þjóðarinnar. Fylgja þarf ráðgjöf vísindamanna við nýtingu fiskistofna. Eiga skal samstarf við nágrannaþjóðir á sviði rannsókna og nýtingar sjávarauðlinda. Auðlindagjald verði tekið af sjávarútvegsfyrirtækjum í hlutfalli við afkomu greinarinnar. Auka þarf strandveiðar og ráðstöfun heimilda til að verja byggðir landsins. Fiskeldi þarf að byggja upp með ítrustu varúð og í samræmi við ráðgjöf vísindamanna þannig að líffræðilegri fjölbreytni verði ekki ógnað.

Enn eitt dæmið um að koma  Spillingar xD frá stjórnvelinum í nokkur kjörtímabil. Og Krafa til annarra flokka að mynda sterka og skilvirka stjórn.

Sjálfstæðisflokkur einn á móti því að gjaldtakan miðist við tímabundin afnot

Þorsteinn Pálsson hefur skilað greinargerð um störf nefndar sem átti að finna lausn á gjaldtöku í sjávarútvegi. Starfi nefndarinnar hefur nú verið slitið.

Bjarni og Sigmundur: Valdafíklar

Íslensk stjórnmál eru farsi.  Eru sjónvarpsþáttur.  Eru bananahýði. Maður grípur andann á lofti, skellihlæjum  og við dettum kylliflöt á hýðinu.  Gosaaugnaráð Bjarna þegar hann er í vondum málum.  Aulagrettur Sigmundar Davíðs í kerfisbreytingunum.  Allt verður undursamlega fáránlegt.  Hvað á að gera við karla, sem eru áhættufíklar og siðblindir?   En vilja vera með í tíkinni þessu einu og sönnu.  PÓLITÍK!

Þeir virðast hafa fleira sameiginlegt en mann óraði fyrir. Losa sig við eitthvað á seinustu stundu.  Peninga, bréf, taka áhættu sem enginn á að gera, ef hann vill vera í stjórnmálum eða verða valdsmaður.  Þeir geta hrifið sakleysingja með sér, í nafni sjarma (sem ég á erfitt með að skilja), auðs, valda, flokks, ættar.  Þeir sjá það ekki sem allir hafa séð fyrir löngu.  Þeirra tími er á enda.  Þeir munu aldrei koma aftur.  

Þetta eru karlar sem hafa aldrei þroskast, aldrei komist undan verndarvæng pabba. Hvenær horfast þeir í augu við sjálfa sig?   Líta í spegilinn og spyrja:  Hver ert þú? Hvað ert þú að gera? 

Hvenær átta þeir sig á eyðileggjandi krafti sjálfs þeirra?  Lífið býður upp á annað en endalausa valdafíkn.  Þeirra tími er liðinn.  

  

Ásmundur: Kölski á fjósbitanum

Enn er Ásmundur í sviðsljósinu. Kölskinn á fjósbitanum. Ekkert stoppar hann, ekki stefna flokksins, ekki samþingmenn hans, ekki tekur formaðurinn hans til máls. Í húsi mínu eru margar vistarverur. Það er gott að hafa bersynduga með. Það er gott að velja Ásmund á listann frekar en besta og heiðarlegasta  þingmann flokksins Unni Brá. Hann er Karl með stórum staf  sem flýði frá Vestmannaeyjum hérna forðum þegar illa gekk, böðlaðist um í sveitarstjórnarmálum í Garði, fékk stuðning fólksins í flokknum, enda margir með svipaðar skoðanir og hann á Reykjanesinu og víða.  Svo sakar ekkert að vera framámaður í Oddfellow. Eins og aðrir sem hafa komist langt sem Frímúrarar. Það virðist ekki hafa neitt í för með sér  þó maður fari með ósannindi á opinberum vettvangi. Réttir fjölmiðlar taka það upp sem sannleika, þeir þekkingarsnauðu hrópa á torgum.

Bjarni Benediktsson þegir þunnu hljóði, flokkurinn er skakkur. Allt er hey í harðindum. Ásmundur og samferðafólk eiga  skjól í Valhöll.Eða hvað?

PS. Bjarni svarar síðdegis,gerir Mikið úr starfi hans fólks ekki allt rétt:  Sumir vilja að lögin verði ávallt túlkuð rúmt. Í því felist mesta mildin. Ég hef verið þeirrar skoðunar að við eigum að beita sambærilegri túlkun og samstarfsþjóðir okkar. 
Þetta er ansi erfitt Þar sem samstarfsþjóðir okkar túlka hlutina ansi ólíkt. Og seint verður Sigríður Andersen dómsmálaráðherra sökuð um mannúð og mildi.

Við Íslendingar höfum þegar lagt mikið af mörkum. Framlög okkar til hjálparstarfa hafa stórvaxið. Hluti aðstoðar okkar felst í því að senda fólk á vettvang og sinna borgaralegum verkefnum. Þá höfum við í auknum mæli tekið á móti flóttafólki beint úr flóttamannabúðum. Hér heima fyrir höfum við verið að auka stuðning við íslenskukennslu, húsnæðisleit og aðlögun að samfélaginu. 

Alls kyns áskoranir hafa fylgt þessum breyttu aðstæðum fyrir stjórnkerfi okkar en heilt yfir hefur tekist ágætlega til. Við höfum brugðist hratt við. Málsmeðferðartími hefur styst verulega. Við höfum styrkt stjórnsýsluna fjárhagslega og faglega og sett okkur það markmið að aðstoð við þá sem fá hér hæli verði sambærileg við þá sem flóttamenn hafa fengið.

Mannúð og mildi eru leiðarljós okkar í þessum málaflokki og fjármunum til hans er vel varið.

Ásmundur segist finna fyrir miklum stuðningi

Gagnrýnir þá sem ekki vilja ræða kostnað við hælisleitendur

Gagnrýnir þá sem ekki vilja ræða kostnað við hælisleitendur

Guðmundur Andri gerist pólitíkus ......

Nú er Guðmundur Andri orðinn pólitíkus, ekki pistlahöfundur sem maður les sér til ánægju á hverjum mánudegi.  Pistlahöfundur sem er siðvitur, hlýr og beinskeyttur.  En .... það er eins og önnur lögmál gildi þegar í stjórnmálin er komið.  Við erum sammála um það að það er mundur

á hægri og vinstri eins og kemur fram í pistli Guðmundar Andra í Fréttablaðinu í gær, við erum líka sammála um að það sé nauðsyn að hvíla eigendur Íslands, Sjálfstæðisflokkinn, helst í nokkur kjörtímabil til að koma í gegn þjóðþrifamálum  sem hafa hrannast upp á nokkurra ára stjórnarsetu xD og xB (sáluga).

Undirritaður gerir nú samt meiri kröfur en þær sem birtast í þessu pistli þegar Guðmundur Andri ræðir um VG (sjá feitletrað  að neðan).  Ég var á landsfundi VG um seinustu helgi var þar vitni að dæmalausri samstöðu í öllum málum.  Þeir voru ekki til þessir menn (konur eða karlar) sem sjá sinn samherja í xD, það væri gaman að heyra frá Guðmundi Andra hver væru þessi sterku öfl.  Þau tóku ekki til máls á Landsfundinum.  Þau voru ekki með tillögur eða ræddu þetta í starfshópum.  Var það ekki Samfylkingin sem seinast tók þátt í stjórnarsamstarfi með Sjálfstæðiflokknum með hörmulegum afleiðingum en ekki VG. 

Er ekki svona rakalaus málflutningur Guðmundar Andra dæmi um það sem gerir samstarf erfitt á vinstri kanti?  Guðmundur Andri fellur hér á einu af fyrstu prófum sínum sem pólitíkus.  Það er leitt. Það er sárt.  Sérstaklega þegar mér þykir vænt um skáldverk Andra og heiðarleg skrif hans sem pistlahöfundar um stöðu Íslands og Íslendinga.  Sem þarf svo  mikið að breyta og bæta. Við þurfum opið og gegnsætt samstarf  til að geta starfað saman í ríkisstjórn.  Það þróast ekki með því að læða að vafsömum fullyrðingum og getgátum. Vonandi verður þetta ekki hinn nýi bragur Rithöfundarins.   


Það er munur á vinstri og hægri. Sjálfstæðisflokkurinn er stór og öflugur flokkur hægri manna, vel skipulagður og vanur því að ráða, með sitt fólk á völdum stöðum í kerfinu. Það getur vel verið að sumum okkar finnist það ágætt að hann stjórni þessu bara – það hafi reynst vel og honum hafi tekist vel upp í undanförnum tilraunum sínum til stjórnarmyndunar. Þá kjósum við hann. En ef við erum ekkert ánægð með völd Sjálfstæðisflokksins og viljum vinstri stjórn sem starfar í almannaþágu þá vandast málið. Dæmin sanna að atkvæði greidd miðflokkabandalaginu leiða til stjórnar með Sjálfstæðisflokknum. Og dæmin sanna líka að þeim mun veikari sem Samfylkingin er þeim mun ólíklegri er vinstri stjórn. Innan VG eru sterk öfl sem sjá sinn samherja í Sjálfstæðisflokknum en slíku er ekki að heilsa innan Samfylkingarinnar.

Kosningar: Alþingi fyrir hverja?

Það er ennþá sæmilegur tími fram að kosningum svo ýmislegt getur gert. Skoðanakannanir eru ekki samhljóða, þótt blómatími Sjálfstæðisflokksins sé liðiðnn undir lok.   Áróður verður sífellt meira fáránlegur.  Þeir sem töldu enga peninga vera til fyrir nokkrum mánuðum sjá alls staðar í kringum sig matarkistu, nema hjá þeim sem hafa safnað auði og fé seinustu árin, útgerðir og fyrirtæki. Fullt af peningum í bönkum.   Og nú er byrjuð gamla tuggan um skattaáþján VG þótt formaðurinn hafi sagt aftur og aftur á Landsfundinum um helgina að fé eigi að koma frá þeim sem notið hafa góðærisins ekki almenningi og miðstétt.  Spillingar gemsarnir Sigmundur og Bjarni sjá alls staðar í kringum sig samsæri og illmennsku. Þráðurinn farinn að styttast hjá sumum. 

Fyrir okkur sem erum Vinstri menn, þá er mikilvægt að fara ekki á taugum, sýna fram á hræsni Sjálfstæðisflokksins og hinna ótal svokölluðu Miðflokka sem virðast vera til að selja sig fyrir ráðherrastóla.  Það er sorglegt hversu margir eru tilbúnir að hlaupa eftir fagurgala og útúrsnúningum Sigmundar Davíðs, mannsins sem ætlaði að svindla og svindlaði á þjóðinni og heldur að það sé allt í lagi að bakka í faðm Skattayfirvalda, borga einhverjar krónur og þá sé allt gleymt og grafið. 

Gleymum ekki að Alþingi er þjónn fólksins í landinu og á að starfa í þágu þess. 
_________________________________________

Sigmundur telur að um samsæri sé að ræða

Hann bæt­ir við að kosn­ing­arn­ar feli í sér tæki­færi til þess að setja af stað stór­sókn í byggðamál­um sem Miðflokk­ur­inn hafi boðað und­ir heit­inu „Ísland allt“. Með þeirri stefnu mætti tengja landið þannig að það yrði sem ein heild. Þá yrði einnig hægt að standa við þau fyr­ir­heit sem eldri borg­ur­um á Íslandi hafi verið gef­in.
„En við get­um líka ráðist í stór­sókn í innviðum lands­ins, upp­bygg­ingu innviða í heil­brigðis­kerf­inu, sam­göng­um og svo fram­veg­is, því að aðstæður hafa aldrei verið eins góðar og nú til þess að hefja sókn til að bæta lífs­kjör á Íslandi og gera það betra en nokkru sinni áður að búa á þessu góða landi.“

Vill taka fé úr bankakerfi og setja í innviði

Taki Sjálfstæðisflokkurinn þátt í stjórnarmyndunarviðræðum nú að loknum kosningum, segir Bjarni að hann myndi leggja áherslu á að kaupmáttaraukning verði varin, efnahagslegum stöðugleika verði viðhaldið og verðbólgu áfram haldið lítilli. Bjarni segist ekki munu samþykkja auknar álögur á fólk í landinu. Komist Sjálfstæðisflokkurinn til valda að nýju, sjái hann fyrir sér að innviðir verði styrktir með fé úr bankakerfinu og að tekjuskattur verði lækkaður niður í 35 prósent. Það gæti verið gott innlegg í kjaraviðræður framundan.

Bjarni Allt að gerast...

Nú er kátt í höllinni, ég meina Valhöll. Nú þarf ríkisstjórnin aldeilis að leiðrétta í útlöndum, ætli þeir fái ekki ný uppreistan lögfræðing til að sjá um málið?  
 
Bjarni Benediktsson, þáverandi þingmaður og núverandi forsætisráðherrafundaði með bankastjóra Glitnis tveimur dögum áður en hann byrjaði að selja bréfin.
Helga Vala: Alþingi skipi rannsóknarnefnd til að rannsaka viðskipti forsætisráðherra

https://kjarninn.is/frettir/2017-10-06-bjarni-seldi-eignir-i-sjodi-9-og-midladi-upplysingum-til-bankamanna/

Bjarni við The Guardian: „Hvaða skynsamlegi fjárfestir sem er hefði verið að íhuga að selja á þessum tíma“
http://www.visir.is/g/2017171009300/bjarni-vid-the-guardian-hvada-skynsamlegi-fjarfestir-sem-er-hefdi-verid-ad-ihuga-ad-selja-a-thessum-tima-


Líka húmor .........

„Sæl,geturðu bókað mig og tvo félaga til London:

Út 20. feb, seinni vélHeim 24. feb, fyrri vél

Ferðafélagar:Bjarni Benediktson - 260170-5549Hermann Sævar Guðmundsson - 200162-4049(muna að gefa þeim ferðapunkta eins og okkur hinum)

Og Bjarni Jóh kemur líka með, veit ekki hvenær hann vill fljúga út.

Við erum að fara á völlinn eins og svo margir, en höfum reyndar annað erindi líka. Hvar gistir allt liðið? Sennilega ágætt að vera bara á sama stað og þeir, eða hvað BJ? Viltu frekar vera á Sanderson?

Kveðja,Einar Örn“